18 От ыйа 18.07
  • 18°
  • $ 88,09
  • 96,3

Доруобуйаларынан хааччахтаах устудьуоннар куонкурустара буолла

Читайте нас на
Яндекс Новости
ЯДВ

Үрдүк үөрэх кыһатыгар үөрэнэр устудьуоннарга «Сыл бастыҥ устудьуона» куонкурус буолан ааста.


Куонкурус туһунан инклюзивнай үөрэхтээһин киинин кытта куруук бииргэ үлэлэһэр устудьуоннар сайдыыларын управлениетын салайааччыта Анна Сергеева СИА-ҕа кэпсээтэ.

«Сыл бастыҥ устудьуона» куонкурус ХИФУ-га инклюзивнай үөрэхтээһини сайыннарар Хотугулуу Илиҥҥи научнай-инновационнай киин дириэктэрэ Пантелеймон Егоров салалтатынан ыытыллыбыта үһүс сыла. Маннык куонкуруска доруобуйаларыгар хааччахтаах устудьуоннар кытталлар. Кинилэр дьоҕурдаахтар, ханнык эмэ инструмеҥҥа оонньууллар, үөрэхтэригэр да үчүгэйдэр. Ону куонкурус да бигэргэтэр. Устудьуоннары инклюзивнай үөрэхтээһин киинэ олус өйүүр, үөрэхтэрин бүтэрэн, үлэлэрин булалларыгар төһө кыалларынан көмөлөһөр, — диир кини.

Салайааччы салгыы кэпсииринэн, доруобуйаларынан хааччахтаах ыччаты бэйэлэрин эрэ истэригэр буолбакка, университекка ыытыллар «Сыл бастыҥ устудьуона» куонкуруска кытыннарыахха сөп. Онон, бэйэлэрин икки ардыларыгар ыытыллар куонкурус кинилэргэ далаһа курдук буоларыгар эрэлин биллэрэр.

Быйылгы куонкуруска кыттыбыт алта оҕо бары дэгиттэр талааннаахтар, доруобай оҕолортон туох да итэҕэһэ суохтар.

Следите за самым важным и интересным в Telegram-канале и WhatsApp-группе ЯСИА