Доруобуйа харыстабылын аан дойдутааҕы тэрилтэтэ мааскалаах режими төннөрөргө ыҥырар. Ол туһунан ВОЗ баһылыга Адан Геберейсус иһитиннэрбитин, Известия кэпсиир.
«Саҥа араас ыарыылар долгуннара COVID-19 бүппэтэҕин көрдөрөр», — диэтэ кини, ол эрээри дойдулар «пандемия саҕаланыаҕыттан быдан үчүгэй балаһыанньаҕа баалларын бэлиэтээтэ.
Урут бу күн вирусология профессора, Гамалея аатынан эпидемиология уонна микробиология кылаабынай научнай сотруднига Анатолий Альтштейн коронавирус саҥа долгунун туһунан кэпсээбитэ уонна РФ сиригэр кэлиэн сөп диэбитэ. Ол гынан баран, кини этэринэн, соччо улаханнык биллиэ суоҕа.
Оттон Роспотребнадзорга иһитиннэрбиттэринэн, 2022 сыл 27-с нэдиэлэтин түмүгүнэн Арассыыйаҕа 22 683 хамсык ыарыы түбэлтэ бэлиэтэммит, бу ааспыт нэдиэлэттэн 8,2% үрдүк. Онуоха биэдэмистибэҕэ чопчулаабыттарынан, дойдуга ыарыы түбэлэтэтэ арыый элбээбитин иһин хааччахтыыр дьаһаллары киллэрии наадата суох, ол гынан баран, мөлтөх иммунитеттаахтар общественнай миэстэлэргэ маасканы кэтэ сылдьаллара уонна антисептигынан туһаналлара ордук.
