20 Атырдьах ыйа 20.08
  • 14°
  • $ 59,13
  • 59,39

Саха сиригэр COVID-19 булгуччулаах быһыы буолан бүттэ

Саха сирин кылаабынай судаарыстыбыннай санитарнай бырааһа Маргарита Игнатьева COVID-19 №- дээх булгуччулаах вакцинацияны тохтотор туһунан уураахха илии баттаата. Роспотребнадзор управлениетыгар саҥа уураах  ону тэҥэ ревакцинация суолтатын туһунан СИА-ҕа кэпсээтилэр.

«Роспотребнадзор Саха сиринээҕи управлениетын салайааччытын солбуйааччы Изабелла Самойлова СИА-ҕа иһитиннэриитигэр: «Саҥа уураахха олоҕуран, 2021 сыл ыам ыйын 19 күнүгэр вакцинацията суох дьону үлэттэн туоратыы туһунан суруллубут сокуону тохтотоллор.

«Эрдэ ылыллыбыт уураахха COVID-19 быһыыта суох дьону тэрилтэ үлэтиттэн тохтотор бырааптаах бит буоллаҕына, билигин маны тохтоттулар.  Онон эрдэ үлэлэриттэн тохтоон олорбут дьон билигин үлэҕэ төттөрү киириэхтэрин сөп. Билигин вакцинация баҕа өттүнэн чэбдигирдии буолан хаалар», — диэн кэпсээтэ.

Самойлова ону таһынан сыл аҥаарынан прививка ылбыт уонна хамсык ыарыынан ыалдьан баран үтүөрбүт дьон иммунитеттара мөлтүүрүн эбэтэр олох даҕаны сүтэрин туһунан санатта. Онон ревакцинацияны хайаан да ааһыахха наада. Роспотребнадзор управлениетыгар кэллэктиип иммунитетын таһыма намтаата эрэ ыарыы улаатарын эмиэ бэлиэтээтилэр. Эпидемиологическай быһыы-майгы мөлтүүр түбэлтэтигэр Саха сирин кылаабынай санитарнай бырааһа саҥа уураах ылыныаҕа.

Пандемия саҕаланыаҕыттан региоҥҥа барыта 180 тыһыынчаттан тахса COVID-19 ыарыы түбэлтэлэрэ бэлиэтэммиттэр. Муҥутуур көрдөрүүлэр 2022 сыл тохсунньу-олунньу ыйдарыга бэлиэтэммиттэр, икки ый устата инфекцияны 82 тыһыынчаттан тахса киһи (ыалдьааччылар уопсай ахсааннарыттан 45,6%) аһарыммыттар. Кэнники үс ый устата өрөспүүбүлүкэҕэ ыалдьыы биллэ намтаата.

2022 сыл бэс ыйыгар өрөспүүбүлүкэ нэһилиэнньэтин 87,7% вакцинацияны ааста.  Ревакцинаны нэһилиэнньэ 81 %- тан тахса улахан киһи ылла.

Следите за самым важным и интересным в Telegram-канале и WhatsApp-группе ЯСИА
0
0