22 От ыйа 22.07
  • 18°
  • $ 88,02
  • 96,04

«Долгун-2018» эмчиттэр экспедициялара саҕаланна

11:30, 02 марта 2018
Текст:
Читайте нас на
Яндекс Новости
ЯДВ

«Долгун-2018» регионнар икки ардыларынааҕы медицинскэй экспедиция олунньу 25 күнүттэн үлэтин саҕалаата. Быйылгы экспедиция өрөспүүбүлүкэ түөрт оройуонугар – Тааттаҕа, Чурапчыга, Мэҥэ Хаҥаласка уонна Ньурбаҕа, 18 нэһилиэнньэлээх пууҥҥа сылдьыаҕа.


Нэһилиэнньэ доруобуйатын көрөр, бэрэбиэркэлиир соруктаах «Долгун» медицинскэй экспедицияҕа быйыл педиатрия Санкт-Петербурдааҕы университетыттан, өрөспүүбүлүкэ уонна куорат балыыһаларыттан 18 быраас оҕолору уонна улахан дьону көрүөҕэ-истиэҕэ.

Экспедиция кыттыылаахтарын ортолоругар педиатрия Санкт Петербурдааҕы университетын учуонайдара, сүрүннүүр исписэлиистэрэ: отоларинголог, эндокринолог, кардиолог, невролог, педиатр, УЗИ-диагностика быраастара бааллар. Өрөспүүбүлүкэ уонна куорат балыыһаларын онколога, дерматолога, рентгенолога, кардиолога, УЗИ-диагностиката, уролога, невролога, педиатра, оҕо офтальмолога нэһилиэнньэ олус күүтэр быраастарынан буолаллара эмиэ учуоттанна. Ыарыыны сэрэтэр өрөспүүбүлүкэтээҕи киин уонна 5 №-дээх поликлиника көһө сылдьар мобильнай кииннэрэ – эмиэ күүтүүлээх исписэлиистэр. Нэһилиэнньэҕэ олус туһалааҕынан биллибит экспедиция сырыыта кулун тутар 6 күнүгэр Ньурба улууһунан түмүктэниэҕэ.

Экспедиция саҕаламмыт бастакы күнүгэр эмчиттэр киэһэ 22.00 чааска диэри 503 киһи, ол иһигэр 178 оҕо, доруобуйатын көрдүлэр. Эмчиттэри бу улууска өссө Ытык Күөлгэ, Чөркөөххө, Харбалаахха, Баайаҕаҕа күүтэллэр.

«Экспедиция кэмигэр бириэмэнэн хааччахтаммакка, бүтэһик ыарыһахха диэри көрүү» диэн быраастар аан бастакы экспедицияттан тутуһан кэлбит тускуллара уларыйбат.

ЫСПЫРААПКА:

«Доруобуйа долгуна» диэн ааттаах бастакы экспедиция 2013 сылтан Өлүөнэ өрүс устун саҕаламмыта.

Москва, Санкт-Петербург, Иркутскай медицинскэй килииникэлэрин уонна өрөспүүбүлүкэ балыыһаларын эмчиттэриттэн турар холбоһуктаах биригээдэ Алдаҥҥа уонна Бүлүүгэ сылдьыбыта. Үс экспедиция доруобуйа харыстабылын оччотооҕу миниистирэ Александр Горохов тус кыттыылаах ыытыллыбыта.

Бу кэм устата экспедиция  өрөспүүбүлүкэ 16 улууһугар уонна 39 нэһилиэнньэлээх пуунугар сырытта (ол иһигэр, Эбээн Бытантай уонна Үөһээ Дьааҥы курдук, 9 ыраах сытар оройуоҥҥа).

Барыта 11285 киһи доруобуйатын көрдөрүннэ.

Следите за самым важным и интересным в Telegram-канале и WhatsApp-группе ЯСИА