600 киһини бу саас Дьокуускайтан байыаннай (срочнай) сулууспаҕа ыҥырыахтара. Ол туһунан куорат баһылыгар Евгений Григорьевка байыаннай комиссар Евгений Крупенков эттэ.
Кини чуолкайдаабытынан, армияҕа ыҥырыллааччылар сулууспалара Россия территориятыгар бастайааннай дислокация пууннарыгар ааһыахтара. ДНР, ЛНР, Запорожскай уонна Херсонскай уобаластарга «срочниктар» ыытыллыбаттар.
Эдэр дьон сүрүннээн Илиҥҥи байыаннай уокурук байыаннай чаастарыгар сулууспалыахтара.
Санаттахха, сааскы хомуур хампаанньата муус устар 1 — от ыйын 15 күннэригэр буолар.
