16 От ыйа 16.07
  • 23°
  • $ 87,81
  • 95,78

Дьокуускайга Татарстаан Өрөспүүбүлүкэтиттэн дэлэгээссийэ кэллэ

Хаартыска: ЯСИА саайта
Читайте нас на
Яндекс Новости
ЯДВ

Дьокуускайга ыам ыйын 22 күнүгэр Татарстаан дэлэгээссийэтэ кэллэ. Кинилэр 2025 сылга ыытыллар XXV Федеральнай Сабантуй мунньаҕар кыттыыны ылыахтара.

Татарстаантан өрөспүүбүлүкэ бырабыыталыстыбатын бэрэссэдээтэлин солбуйааччы уонна татаар аан дойдутааҕы конгреһын национальнай сэбиэтин бэрэссэдээтэлэ Василь Шайхразиев, конгресс толорор кэмитиэтин салайааччытын солбуйааччы Фархад Латыпов, премьер-миниистир солбуйааччытын көмөлөһөөччүтэ Рамиль Закиев Саха сиригэр кэллилэр. Ол туһунан тас дойдулары кытта сибээс министиэристибэтэ иһитиннэрдэ.

Ыалдьыттар Былатыан Ойуунускай пааматынньыгар уонна Казанскай искибиэргэ Сэбиэскэй Сойуус Геройа, бэйиэт Муса Джалиль бюһугар сибэкки ууруохтара. Искибиэри Дьокуускайга 2023 сыллаахха арыйбыттара, Горькай аатынан уулуссаҕа, художественнай училище аттыгар.

Татарстаан үрдүк сололоохторо Саха сирин бырабыыталыстыбата 2025 сылга ыытыллар XXV Федеральнай Сабантуйу тэрийии мунньаҕар кыттыыны ылыахтара. Санаттахха, икки өрөспүүбүлүкэ бииргэ үлэлииргэ сөбүлэҥнэрин чэрчитинэн Сабантуй Саха сиригэр ыытыллара былааннаммыта.

Следите за самым важным и интересным в Telegram-канале и WhatsApp-группе ЯСИА