23 От ыйа 23.07
  • 28°
  • $ 87,78
  • 95,76

Дьокуускайга өрүс мууһа ыам ыйын 16 күнүгэр устуоҕа

Фото: Галина Мазолевская
Читайте нас на
Яндекс Новости
ЯДВ

Гидрологтар сылыктыылларынан, Өлүөнэ өрүс Саха сирин сиригэр-уотугар ыам ыйын 8 күнүгэр аһыллыаҕа. Дьокуускайга муус ыам ыйын 16 күнүгэр устуоҕа. Бу туһунан оптуорунньукка Саха сиринээҕи УГМС  начальнигын солбуйааччы Татьяна Маршалик иһитиннэрдэ.

Ыам ыйын 2 күнүнээҕи туругунан, өрөспүүбүлүкэ өрүстэригэр кыһыҥҥы режим турар. Өлүөнэ өрүс арыллыыта ыам ыйын 8 күнүгэр Витим бөһүөлэгэр саҕаланыаҕа.

«Эрдэттэн сабаҕалааһынынан, Дьокуускайга муус ыам ыйын 16 күнүгэр устара күүтүллэр. Билигин бэйэбит сылыктааһыммытын тутуһабыт. Халыма өрүскэ халаан уута кутталы үөскэтэр, онно сылаас температура уһуннук турда. Манна болдьоххо көннөрүүлэри сылыктыахха сөп», — диэн Татьяна Маршалик иһитиннэрдэ.

Ыам ыйын бастакы уонна иккис декадатыгар Өлүөнэ, Алдан, Амма уонна Бүлүү өрүстэр эстиилэрэ күүтүллэр, үһүс декадатыгар Өлүөнэ, Алдан, Бүлүү, Бүлүү, хоту уонна хотугулуу-илин өрүстэргэ муус хамсааһына саҕаланыаҕа. Бэс ыйын саҥатыгар өрүстэр салаалара аһыллыахтара.

Ууга барыан сөптөөх 123 нэһилиэнньэлээх пуун Саха сирин 24 оройуонугар баар. Быстах кэмҥэ олорор 271 пууну эрдэттэн бэлэмниэхтэрэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар