19 От ыйа 19.07
  • 14°
  • $ 87,88
  • 96,1

Дьокуускайга оҕолору бастакы кылааска ылар быраабыла уларыйда

Фото: Олег Николаев ЯСИА
Читайте нас на
Яндекс Новости
ЯДВ

Дьокуускай үөрэҕин управлениета бастакы кылааска оҕолору ылыы докумуоннарын биэрии ньымаларыгар туох саҥардыы киирбитин туһунан иһитиннэрдэ.

Быйыл төрөппүттэр (сокуоннай бэрэстэбиитэллэр)  бастакы кылааска киириэхтээх оҕолоругар сайабылыанньаны эрдэттэн толорон «черновик» курдук бэлэмниэхтэрин син.  Бу «черновигы» толорооһун киэбэ кулун тутар 20 күнүттэн «Госуслуги» порталыгар аһыллыаҕа. Муус устар 1 күнүттэн сайаапканы «Госуслуги» нөҥүө биэриэххэ сөп. Маны таһынан, сайабылыанньаны муус устар 1 күнүттэн e-yakutia.ru саайтка эмиэ толоруохха син.

Оҕолору оскуолаҕа киллэрии икки түһүмэҕинэн барыаҕа:

Муус устар 1 күнүттэн бэс ыйын 30 күнүгэр диэри: уочарата суох киирэр кыахтаах, сайабылыанньа биэрэр оскуолаларын таһыгар бастайааннай пропискалаах оҕолорго аналлаах;

От ыйын 6 күнүттэн балаҕан ыйын 5 күнүгэр диэри прописката суох олорор дьиэлэрин таһыгар биэриэхтэрин сөп.

Бастакы кылааска 6,5- тэн 8- гар диэри саастаах оҕолору ылаллар. Төрөппүттэр сайабылыанньаларынан оҕону бу саастан кыра эрдэҕинэ эбэтэр хойутаан даҕаны ылыахтарын сөп. Ирдэнэр докумуоннар испииһэктэрэ уруккуттан хаалбыт. Төрөппүт пааспарын копията, оҕо төрөөбүтүн, убайдарын эбэтэр эдьиийдэрин төрөөбүттэрин туһунан туоһулара, бу оскуола таһыгар дьиэҕэ олорорун туһунан ыспыраака наада. Сиһилии иһитиннэриини Дьокуускай үөрэҕин управлениетын саайтыгар көр.

Следите за самым важным и интересным в Telegram-канале и WhatsApp-группе ЯСИА