25 Ыам ыйа 25.05
  • -7°
  • $ 104,68
  • 115,6

Дьокуускайга медицинскай маасканы бэлэмнииллэр

Дьокуускай ательеларыгар Саха сирин тэрилтэлэригэр анаан медицинскай маасканы тигии саҕаланна. Регион предпринимательствоҕа миниистирин көрдөһүүтүнэн, үгүс предпринимателлэр сыахтарын муҥутуур кыаҕынан үлэлэтэллэр. Уонча ателье Саха сирин олохтоохторун маасканан хааччыйыыга ылыста.  


 «Миниистир Ирина Высоких тус көрдөһүүтүнэн, «Силуэт» кооператив медицинскай маасканы тигиини саҕалаата. Атын предпринимателлэр эмиэ кыттыстылар. Министиэристибэ сайтыгар уонна социальнай ситимнэргэ маасканы хантан ылар туһунан иһитиннэриилэри таһаарыахпыт», — диэтэ биэдэмистибэ пресс-сэкирэтээрэ Мария Павлова. 

«Силуэт» бэрэссэдээтэлэ Виолетта Сантуева эппитинэн, билигин оҕо уонна оскуола иннинээҕи саастаах оҕолор тэрилтэлэрин хааччыйыыга үлэ барар.

«Биһигиттэн тутулуктааҕы барытын оҥоруохпут. Миниистири кытта кэпсэтэн баран, матырыйаалы тиксэрээччилэри, быһааччылары, тигээччилэри кыттыһыннаран, суһаллык үлэни саҕалаатыбыт. Дуогабар элбэх. Барыларыгар түргэнник оҥоруохха наада, бу саҕалааһын эрэ, кэлин сакаас өссө элбиир туруктаах», — диэтэ кини.

«Силуэт» худуоһунньук-модельера Анна Маттерн эппитинэн, биир мааска сыаната 70 — 90 солк. буолар.

Следите за самым важным и интересным в Telegram-канале и WhatsApp-группе ЯСИА
0
0