19 Кулун тутар 19.03
  • -9°
  • $ 91,98
  • 100,24

Дьокуускайга Ленин проспегар баһаарга алдьаммыт дьиэҕэ өрөмүөн саҕаланна

Фото пресс-службы Фонда капремонта
Читайте нас на
Яндекс Новости
ЯДВ

Дьокуускай куоракка Ленин проспегын 25 дьиэтигэр баһаар уотугар дьиэ иннин өттө, балкона уонна хоруобуйата алдьаммытын өрөмүөннүүр үлэ саҕаланна. Баһаар ыам ыйын 4 күнүгэр буолбута.

Уот бастакы этээскэ баар «Илин Эҥэр» маҕаһыын хоруобуйатытан саҕаламмыта, салгыы кыбартыыраларга балконунан киирбитэ.

Дьиэ иннин өттүн, балкону өстүөкүлэлээһин, хоруобуйатын өрөмүөннээһин, ол иһигэр «Илин Эҥэр» маҕаһыыны өрөмүөннээһин хапытаалынай өрөмүөн чэрчитинэн ыытыллар.

«Билигин иннин өттүн ыраастаан сыбыыллар, кырааскаҕа бэлэмнииллэр. Бэс ыйын 12 күнүттэн хоруобуйатын оҥорууну саҕалыахтара», — диэн хапытаалынай өрөмүөн пуондатын кытта дуогабардаах «Технолоджи пит» бэдэрээттиир тэрилтэ эттэ.

Следите за самым важным и интересным в Telegram-канале и WhatsApp-группе ЯСИА