Бүгүн сарсыарда Дьокуускай аэропордугар хас да рейстэри тохтоттулар, сөмөлүөттэр Тиксиигэ, Эдьигээҥҥэ, Ленскэйгэ, ону тэҥэ Сочига кыайан көппөтүлэр. Аэропорт пресс- сулууспата иһитиннэрбитинэн, бытаарыы төрүөтүнэн күн-дьыл туруга буолбут.
«Тиксиигэ, Эдьигээҥҥэ уонна Ленскэйгэ көтүүнү көрсөр аэропортарга метео усулуобуйа табыгаһа суох буолан көһөрдүлэр. Сочига рейс өрөбүл күн хойутаан кэллэ, билигин сөмөлүөт көтөргө бэлэмнэнэр», — диэн Дьокуускай аэропордугар иһитиннэрдилэр.
