«Быйыл Аҕа дойду улуу сэриитигэр Кыайыы 80 сылын бэлиэтиибит уонна Нерюнгри 50 сааһын. Бүгүн Гавриил Чиряев сүүс сылыгар бу дааталар биир холбоһуктаах буолаллар: кини сэрии кыттыылааҕа уонна Нерюнгри куораты олохтообуттартан биирдэстэрэ буолар», — диэтэ вице-премьер Анатолий Семенов. Кини соторутааҕыта Гавриил Чиряев аата Нерюнгри куорат аэропордугар иҥэриллибитин туһунан кэпсээтэ.
Ил Түмэн бэрэссэдээтэлэ Алексей Еремеев Чиряев Саха сирин 17 сыл салайбытын эттэ, 1965 — 1982 сылларга. «Ол кэмҥэ Саха сирин соҕуруу өттүгэр күүстээх производственнай бааза олохтоммута. Нерюнгри куората тутуллубута, Беркакикка диэри тимир суол тардыллыбыта, Дьокуускайдааҕы, Нерюнгритааҕы уонна Бүлүүтээҕи ГРЭС-тэр оҥоһуллубуттара, алмаас кэмбинээтэ арыллыбыта, ньиэп-гаас хостооһунугар тирэх ууруллубута. Ил Дархан Айсен Николаев Гавриил Чиряевы үйэтитиигэ дьаһалга илии баттаата, кини бэйэ норуотугар сулууспалыыр холобура ориентир буоларыгар», — диэтэ кини.
Хаартыска: Саргын Скрябин/ЯСИА
