16 От ыйа 16.07
  • 28°
  • $ 87,81
  • 95,78

Дьокуускайга «Азия оҕолоро» оонньууларга бэлэми саҕалаатылар

Фото: Мария Васильева/ЯСИА
Читайте нас на
Яндекс Новости
ЯДВ

Дьокуускайга 2024 сыллаахха өрөспүүбүлүкэ киин куоратыгар ыытыллар «Азия оҕолоро» норуоттар икки ардыларынааҕы спортивнай оонньууларга бэлэм хайдах бара турарын бэрэбиэркэлээтилэр.

Көһө сылдьар мунньах чэрчитинэн, Саха сирин бырабыыталыстыбатын бастакы солбуйааччы Дмитрий Садовников салайааччылаах сэттэ эбийиэги көрдүлэр: Платон Ойуунускай аатынан норуоттар икки ардыларынааҕы аэропорт,  «Туймаада» уонна «Юность» стадионнар, медицинскэй колледж уонна тыа хаһаайыстыбатын техникумун уопсай дьиэлэрэ, манна спортсменнары олордор былааннаахтар.

Бастакы вице-премьер этэринэн, «Азия оҕолоро» 2024 сылга Арассыыйаҕа биир улахан спортивнай тэрээһининэн буолуоҕа, онон быйылгы сылтан Дьокуускайга күүстээх бэлэм саҕаланар.

«Азия оҕолоро» спортивнай оонньууларга бэлэмнэнии үгүс аспектартан турар. Эбийиэктэри тупсарыы, нэһилиэнньэҕэ куттала суох буолууну хааччыйыы уонна уулуссаҕа суол ситимин өрөмүөннээһин боппуруостара мин хонтуруолбар бааллар. Дзержинскай, Ойуунускай, Лермонтов, Дежнев, Кулаковскай уулуссаларга өрөмүөнү мэрия эһиилгигэ былааннаата, оонньуулар сүрүннээн бу уулуссалар хоту буолуохтара. Манна 1 млрд 400 мөл. солк. тахса үп наада. Ол гынан баран, сорох эбийиэктэр өрөмүөннэрин бу сылга көһөрө сатыахпыт», — диэн Дмитрий Садовников тоһоҕолоон бэлиэтээтэ.

Ону сэргэ, өрөмүөн үлэтин «Кыайыы 50 сыла» спорт дыбарыаһыгар, «Триумф» спортивнай комплекска, «Эллэй Боотур» муус дыбарыаһыгар, «Чолбон» бассейҥҥа, «Модун» спортивнай комплекска,  «Туймаада» стадиоҥҥа, «Самородокка» ыытыахтара.

Бэрэбиэркэ түмүгүнэн бастакы вице-премьер бары биэдэмистибэлэргэ бигэргэтиллибит үлэ болдьоҕун кэспэккэ эрэ, оонньуу саҕаланыан иннинэ хаалбыт бириэмэни көдьүүстээхтик туһанарга сорудахтаата.

Следите за самым важным и интересным в Telegram-канале и WhatsApp-группе ЯСИА