29 Кулун тутар 29.03
  • -11°
  • $ 92,26
  • 99,71

Дьокуускайга 5,6 млрд солк сыаналаах сүрэх-тымыр киинин арыйдылар

Читайте нас на
Яндекс Новости
ЯДВ

Дьокуускайга 150 миэстэлээх өрөспүүбүлүкэтээҕи сүрэх-тымыр киинэ арылынна. Саҥа тутуу 5,6 млрд. солк. сыанаҕа, муҥутуур кылгас болдьоххо, икки эрэ сыл устата туттулар. Үөрүүлээх аһыллыыга  Саха сирин баһылыга Айсен Николаев уонна РФ доруобуйаҕа харыстабылын миниистирэ Михаил Мурашко кыттыннылар, диэн СИА кэпсиир.

Саха сирин баһылыга Айсен Николаев бэлиэтээбитинэн, бөдөҥ кардио-киин Саха сирин эрэ буолбакка, ыаллыы регионнары эмиэ хааччыйыан сөп.

«Биһиги үчүгэй хааччыллыылаах ураты объект тутуннубут. Бу биһиги эмчиттэрбитигэр, кардиологтарбытыгар уһун сыллар тухары үтүө бэриниилээх үлэлэрин иһин эрэнэн туттулар, биһиги быраастарбыт дойдуга биир бастыҥнарынан буолаллар. Объект үлэҕэ киирдэҕинэ сүрэх ыарыынан өлүү намтыа, дьон үйэтэ уһуо диэн эрэнэбин», — диэтэ Айсен Николаев.

РФ доруобуйа харыстабылын миниистирэ Михаил Мурашко бэлиэтээбитинэн, саҥа киин өрөспүүбүлүкэҕэ кардиологическай сулууспа сүрүн киининэн буолуоҕа, сүрэх ыарыыларын эмтииргэ инновационнай ньымаларын туһаныахтара.

«Бүгүн үрдүк технологиялаах оборудованиенан сэбилэммит региоҥҥа олус наадалаах кардиологическай киин аһабыт», — диэтэ Михаил Мурашко.

Киин алта клиническэй салаалаах: кардиологическай, неврологическай, мэйии хаан эргиирин сытыы ыарыыларын эмтиир, сүрэх- тымыр хирургията, аритмология, анестезиология, реанимация уонна тэтимнээх терапия. Ону тэҥэ үс операционнай саала, гибриднай ангиографическай операция, көннөрү ангиографическай операция, МРТ, КТ, рентгенография, УЗИ, реабилитация уонна физиотерапия кабинеттара көрүлүннүлэр.

Следите за самым важным и интересным в Telegram-канале и WhatsApp-группе ЯСИА