30 Сэтинньи 30.11
  • -5°
  • $ 71,88
  • 83,09

Дьокуускайдааҕы "Аҕа уонна оҕо" стеллаҕа сибэкки уурдулар

10:58, 18 октября
Текст:

Бүтүн дойду үрдүнэн маҥнайгытын аҕа күнүн бэлиэтээтилэр. Бу бырааһынньыгы көрсө, Саха гимназиятын олбуоругар баар, «Аҕа уонна оҕо» диэн стеллаҕа тыыннаах сибэкки дьөрбөтүн уурдулар.

Үөрүүлээх тэрээһиҥҥэ Үлэ уонна социальнай харалта миниистирэ Елена Волкова уонна «Саха сиринээҕи аҕалар лигаларын» бэрэссэдээтэлэ Айхал Габышев, ону тэҥэ олохтоох дьаһалта үлэһиттэрэ кыттыстылар.

«Быйыл, Дойду президенэ В.В.Путин ыйааҕынан, алтынньы үһүс өрөбүлэ Аҕа күнүнэн биллэрилиннэ. Бу бырааһынньык оҕону иитиигэ аҕа оруола суолталааҕын көрдөрөр», — диэн Елена Волкова бэлиэтээтэ.

Маны таһынан, 1993 сыллаахха республикабыт маҥнайгы президенэ Михаил Николаев Саха сиригэр Ийэ күнүн олохтообута. “Онон бүгүн биһиги ийэ уонна аҕа күнүнүн бэлиэтиир ураты дьоллоохпут”. – диэн миниистир түмүктээтэ.

0
0
30 ноября 30.11
  • -5°
  • $ 71,88
  • 83,09