Быйыл өрөспүүбүлүкэ баһылыгын сорудаҕынан социальнай хантараак бырагырааманан кэтэх хаһаайыстыбалаахтары өйүүр үбүлээһин икки төгүл улаатта. Суума — 200 тыһ солк буолла. Ол туһунан үлэ миниистирэ Елена Волкова, суруйар СИА.
«Социальнай хатараак үлэлээбитэ 10-тан тахса сыл буолла. Иэнэ уонна кээмэйэ улаатан иһэр, бюджекка көрүллэр. Ааспыт сылга үлэни көрдөөһүҥҥэ саҥа хайысха киирбитэ. Ол эбэтэр киһи социальнай хантараагынан үлэ көрдүүр буоллаҕына, кини үөрэниэн эбэтэр атын идэни баһылыан сөп. Киһи үлэлии киириэхтээх тэрилтэтигэр стажировка ааһыан сөп, онно хамнаһын төлүүбүт. Үөрэнэр кэмигэр стипендия бэриллэр. Бу үчүгэй өйөбүл, өскөтүн киһи социальнай адаптациятын ааһарыгар бары түһүмэҕи ааһар буоллаҕына — үөрэнии, хостоон үөрэнии, стажировка, оччотугар төлөнөр суума 300 тыһ солк тиийэ улаатыан сөп. Онон үлэҕэ наадыйааччылар билсиҥ», — диэтэ Елена Волкова.
Быйылгы дьылга саҥа хайысханан, Ил Дархан Айсен Николаев сорудаҕынан, кэтэх хаһаайыстыбаны сайыннарыыга көрүллэр үбүлээһин икки бүк улаатар, ол эбэтэр 200 тыһ солк тэҥ буолар. Сотору кэминэн бу хайысхаҕа үлэни саҕалыахпыт. Маны сэргэ киһи үөрэниэн, курстары ааһыан баҕарар буоллаҕына, социальнай адаптация бырагырааматынан көрүллүөн сөп.
