26 От ыйа 26.07
  • 20°
  • $ 85,41
  • 93,17

Дьокуускай уулуссаларынан 15 биригээдэ бэйдиэ ыттары тута таҕыста

11:21, 30 декабря 2021
Читайте нас на
Яндекс Новости
ЯДВ

Бүгүн, ахсынньы 30 күнүгэр, сарсыарда аҕыс чааска Дьокуускай куорат баһылыга Евгений Григрьев Комсомольскай болуоссакка бэйдиэ сылдьар ыттары тутарга анаан тэриллибит суһал ыстаап мунньаҕын ыытта. Мунньахха анал биригээдэлэр уонна ботурууллуур бөлөхтөр кытыннылар, диэн куорат дьаһалтатын пресс-сулууспата биллэрэр.

Хас биирдии биригээдэҕэ анал үөрэхтээх үлэһиттэр, ону тэҥэ уопуттаах кинологтар тардылыннылар. Мустубут дьоҥҥо эбии инструктаж ыытылынна. Ыты туталларыгар туһааннаах сокуоннары тутуһуох тустаахтар.

Бары управаларга хамсыы сылдьан, ботуруулллуур биригээдэлэри тэрийдилэр, кинилэр куорат хайа муннугар бэйдиэ сылдьар ыттары ьбэлиэтээбиттэрин тута биллэрэ охсуохтаахтар. Бу сарсыарда, мэрия, управалар, муниципальнай тэрилтэлэр 170-тан тахса үлэһиттэрэ, суһал сулууспалар,  47 тиэхиникэ үлэҕэ тардылынна.

«Биһиги уопсай сорукпут — кылгас кэм иһигэр, дьоҥҥо-сэргэҕэ кутталы үөскэтэр ыттары кытта быһыыны- майгыны быһаарыы буолар. Бу ыттар уулуссаҕа сылдьыа суохтаахтар. Ол эрээри, төһө да ыксаллаах быһыы-майгы буоллар, федеральнай сокуону тутуһуох тустаахпыт», — диэн Григорьев санаатын эттэ.

Санатан эттэххэ, бэҕэһээ, ахсынньы 29 күнүгэр, куорат ипподромугар ыттар саба түһүүлэрин түмүгэр 53 саастаах дьахтар өллө. Киэһэ куорат баһылыга Евгений Григорьев көрүүтэ- истиитэ суох ыттары тутар туһугар оперативнай штаб тэрилиннэ. Автодорожнай уокурукка ЧС, куорат үрдүнэн үрдүк бэлэмнээх буолуу режимин биллэрдилэр. Түүннэри, бэйдиэ сылдьар ыттары бултаһарга эбии биригээдэлэри тэрийдилэр.

Куорат олохтоохторуттан информацияны суһаллык ылар туһугар төгүрүк суукканы быһа үлэлиир анал киин тэрилиннэ.

Диспетчер сулууспатын нүөмэрэ: 44-46-54, 44-42-29.

Итиэннэ чат-бот үлэлиир: +7(914)261-06-98.

Бу нүөмэргэ олохтоохтор ханна бэйдиэ сылдьар ыттары көрбүттэрин хаартыскаҕа түһэрэн, видеоҕа устан ыытан, биригээдэни ыҥырыахтарын сөп.

Следите за самым важным и интересным в Telegram-канале и WhatsApp-группе ЯСИА
Тутаах тыллар