Бүгүн, муус устар 2 күнүгэр, Дьокуускай телебашнята Россия уонна Белоруссия символикатын өҥнөрүнэн тыгыаҕа, норуоттар сомоҕолоһууларын Күнэ бэлиэтэнэр.
Телевышка Россия былааҕын үс өҥүнэн тыгыаҕа, салгыы Белоруссия былааҕын өҥнөрүгэр көһүөҕэ. Уот биэриитэ 21.00 — 22.00 чааска үлэлиэҕэ.
Акцияҕа Братскай, Брянскай, Великай Новгород, Грознай, Казань, Калининград, Калуга, Кострома, Кызыл, Майкоп, Назрань, Нальчик, Нижнэй Новгород, Омскай, Пенза, Ростов-на-дону, Саратов, Самара, Саранскай, Симферополь, Сочи, Тамбов, Тверь, Тула, Улан-Удэ, Челябинскай, Черкесскай, Ярославль уонна да атыттар башнялара кыттыһаллар.
Бырааһынньык 1996 сыл муус устар 2 күнүттэн бэлиэтэнэр. Онно Белоруссия уонна Россия Сообществота тэриллэрин туһунан докумуоҥҥа илии баттаммыта. Биир сылынан Союзнай судаарыстыба тэриллибитэ.
