18 От ыйа 18.07
  • 17°
  • $ 88,09
  • 96,3

Дьокуускай олохтоохторугар коронавирустан быһыыны кэлэр нэдиэлэттэн туруоран саҕалыахтара

13:03, 14 января 2021
Текст:
Читайте нас на
Яндекс Новости
ЯДВ

Коронавирустан быһыыны Дьокуускай олохтоохторо кэлэр нэдиэлэттэн ылан саҕалыахтара. Бу туһунан доруобуйа харыстабылын миниистирэ Елена Борисова бэҕэһээ социальнай ситиминэн быһа тахсыытын кэмигэр иһитиннэрбитэ. Маныаха куорат балыыһаларыгар испииһэккэ сурутуу саҕаланна. 


Дьокуускай 3№-дээх балыыһатыгар 88002005454 эбэтэр 506433 төлөпүөннэринэн сарсыарда 08 час. 00 мүн күнүс 14 час. 00 мүн. диэри баҕалаахтары испииһэктииллэр. Балыыһаҕа сыһыарыллан эмтэнэр дьон ханна олороллорун, паспордарын дааннайын, икки төлөпүөн нүөмэрин этэллэр.

Испииһэги дьон тоҕуоруһуутун таһаарбат сыалтан оҥороллор. Быһыы ылааччы чопчу ыйыллыбыт кэмигэр кэлиэ.

Быһыыны иккитэ, 21 күн арыттаан ылыллар.

Хат дьахтар, оҕолорун эмтэрэр ийэлэр быһыыны ылаллара бобуулаах, маны таһынан аллергиялаах дьоҥҥо сэрэхтээх. Быһыыны туруоруох иннинэ быраас көрүө.

«Оптуорунньукка эбии кэлбит икки тыһыынча доза вакцинаны бу нэдиэлэҕэ куорат балыыһаларынан түҥэтэн, кэлэр нэдиэлэттэн туруоран саҕалыахтара», — диэбитэ миниистир.

Следите за самым важным и интересным в Telegram-канале и WhatsApp-группе ЯСИА