19 От ыйа 19.07
  • 21°
  • $ 87,88
  • 96,1

Дьокуускай маастар-былаанын дьүүллэстилэр

Читайте нас на
Яндекс Новости
ЯДВ

СӨ Ил Дархана Айсен Николаев Дьокуускай маастар-былаанын мэр Евгений Григорьевы кытары дьүүллэстэ, Саха сирэ суруйар.

Дьокуускай салалталара генеральнай былааҥҥа уларытыылары киллэриэхтэрэ уонна Арассыыйа Бэрэсидьиэнэ бигэргэппит куорат маастар-былаанын олоххо киллэриигэ бүддьүөккэ үп көрүөхтэрэ. Сүрүн соруктар толоруллууларын СӨ Ил Дархана Айсен Николаев Дьокуускай куорат мэрэ Евгений Григорьевы кытта көрсүһүүгэ кэпсэттэ.

Көрсүһүүгэ хаарбах туруктаах олорор дьиэ оннугар саҥаны тутуу, уопсастыбаннай сири-уоту тупсарыы, уулусса уотун-күөһүн уларытыы боппуруостара көрүлүннүлэр.

«Дьокуускай куорат социальнай уонна экэнэмиичэскэй сайдыытын кыаҕа, кэлэр сылларга ханнык салааларга болҕомто ууруллуохтааҕа көрүллүө. Куорат хамаандата бу дьаһаллары олоххо киллэрэргэ кыһамньытын, болҕомтотун уурар, күүһүн түмэр, ол иһигэр, тупсаран оҥорууга, сиргэ-уокка үүнээйини олордууга эмиэ. Бу барыта кыалларыгар эрэнэбин. 2024  сылга буолар «Азия оҕолоро» далааһыннаах тэрээһиҥҥэ куораппыт тупсуо«, — диэн бэлиэтиир Айсен Николаев.

Дьокуускай маастар-былаана РФ Бэрэсидьиэнэ Владимир Путин сорудаҕынан оҥоһуллубут уонна балаҕан ыйын 5 күнүгэр Уһук Илин куораттарын сайыннарыы сүбэ мунньаҕар сөбүлэҥи ылбыт. Докумуоҥҥа чугастааҕы сылларга Саха сирин киин куоратын нэһилиэнньэтин ахсаанын оннунан хаалларыы уонна креативнай экэниэмикэ, үөрэх, наука эйгэлэригэр саҥа үлэ миэстэлэрин тэрийии туһунан бэлиэтэнэр.

Следите за самым важным и интересным в Telegram-канале и WhatsApp-группе ЯСИА
Тутаах тыллар