16 Ыам ыйа 16.05
  • -7°
  • $ 104,68
  • 115,6

Дьокуускай куорат күнүгэр саҥа эбийиэктэр үлэҕэ киирдилэр

11:03, 14 сентября 2020
Текст:

Бэҕэһээ Дьокуускай куорат олохтоммута 388 сылыгар өрөспүүбүлүкэ киин куоратыгар «ВИС» хампаанньа туппут саҥа эбийиэктэрин үөрүүлээхтик аһыы сиэрэ-туома ыытылынна. 203-с микрооройуоҥҥа «Сардаана»  оҕо саада, Ю.Гагарин аатынан култуура уонна аныгы искусство киинэ аһылыннылар.


Бу эбийиэктэр «ВИС» хампаанньа Дьокуускай куоракка 12 тутууларыттан бүтэһиктэрэ. Эрдэ «Ивушка», «Малышок», Сыырдаахтааҕы оҕо саадтара, 203-с оройуоҥҥа «Цветик-Семицветик» оҕо саадтара, «Айыы Кыhата» национальнай оскуола, оҕо айымньытын киинэ, смарт-бибилэтиэкэ, 25-с, 6 №-дээх оскуолалар, Норуоттар ардыларынааҕы Арктическай оскуола аһыллыбыттара.

«Сардаана» оҕо уһуйаана икки этээстээх 4500 кв. миэтэрэ иэннээх. Манна 18 бөлөҕүнэн 360 оҕо сылдьыа. Саҥа оҕо саада спортивнай, музыкальнай саалалардаах, оонньуур хостордоох, медицинскай блоктаах, тиэргэҥҥэ күүлэйдиир, спордунан дьарыктанар сааһынан арахсар оонньуур сирдэрдээх. «Сардаана» иитиллээччилэрэ саха, нуучча, английскай тылларынан тэҥинэн үөрэниэхтэрэ. Оҕолору бүгүҥҥэттэн тутан барыахтара.

Үс этээстээх алта тыһ кэриҥэ иэннээх Ю. Гагарин аатынан култуура уонна аныгы искусство киинэ 500 көрөөччү киирэр кэнсиэртиир саалалаах, аныгылыы тыастаах-уустаах, мастарыскыайдардаах, үҥкүү саалалардаах. Манна гражданскай авиация мусуойа дьиэлэниэ.

Следите за самым важным и интересным в Telegram-канале и WhatsApp-группе ЯСИА
0
0