Саха сирин бастакы вице-премьера Дмитрий Садовников ыыппыт мунньаҕар Дьокуускай куорат маастар-былаанын чэрчитинэн тутуллар эбийиэктэр тустарынан кэпсэттилэр. Үөрэх эйгэтэ хабылынна, ол иһигэр оскуолалар, дьыссааттар тутуулара.
Тутуулара түмүктэнэн эрэр эбийиэктэр тустарынан мунньахха этилиннэ. Ол иһигэр куорат киинигэр турар 253 үөрэнээччигэ аанын арыйыахтаах 1 №-дээх оскуола туһунан. «Тутуута 100 бырыһыан бүттэ. Билигин эбийиэккэ куттал суоһаабатын хааччыйарга анаммыт үлэлэр ыытыллаллар», — диэн эттилэр.
