Өлүөнэ, Алдан уонна Бүлүү өрүстэринэн сезон ыккардыгар салгын олбохтоох суудуналарынан пассажирдары таһыы тэрилиннэ. Дьокуускай — Аллараа Бэстээх сүрүн туорааһыныгар 30-ча чааһынай таһар тиэхиникэ үлэлиир. Айан иһин төлөбүр — 2 500 солк. Бу туһунан брифиҥҥэ Саха сирин тырааныспарын уонна суол хаһаайыстыбатын миниистирэ Владимир Сивцев кэпсээтэ.
Муус тэтимнээхтик устар кэмигэр 10-ча аэроботу үлэлэтэргэ былаанныыллар, тарыып ол кэмҥэ үрдүөҕэ. Аэроботтары туһаныы кыаллыбатаҕына, Маҕан — Аллараа Бэстээх маршрутунан бөртөлүөт таһыыта олохтонуоҕа. Билиэт 7000 солк. буолуоҕа.
Миниистир Саха сиригэр муус туорааһыннара, кыһыҥҥы суоллар сабыллыбыттарын иһитиннэрдэ. Билигин үлэлии турар Уус-Куйга – Казачье — Кресты хайысханан муус устар 30 күнүттэн көҥүллэнэр таһаҕаһы 20 туоннаҕа диэри намтатыахтара, ыам ыйын 5 күнүттэн 10 тоннаҕа диэри түһэриэхтэрэ, оттон ыам ыйын 10 күнүттэн сырыыны толору тохтотуохтара.
“Суоппардартан, таһааччылартан мууска тахсартан туттуналларыгар уонна куттал суох буолуутун быраабылаларын тутуһалларыгар», — диэн Сивцев тоһоҕолоон бэлиэтээтэ.
