22 От ыйа 22.07
  • 26°
  • $ 88,02
  • 96,04

Дьоҕус уонна орто бизнескэ көрүллэр өйөбүллэр "самозанятайдарга" эмиэ тарҕаныа

12:01, 06 октября 2020
Текст:
Читайте нас на
Яндекс Новости
ЯДВ

РФ бырабыыталыстыбата дьоҕус уонна орто бизнескэ судаарыстыба көрөр өйөбүлүн анал бырагыраама чэрчитинэн бэйэ дьыалатынан дьарыктанааччыларга  тарҕатыаҕа. Ол туһунан Россия премьер-миниистирэ Михаил Мишустин мунньахха эттэ.


Михаил Мишустин туһааннаах саҥа уураахха илии баттаммытын иһитиннэрдэ.

Экономика сайдыытын министиэристибэтэ эрдэ ТАСС-ка кэпсээбитинэн, бу миэрэ «Дьоҕус уонна орто предпринимательство» национальнай бырайыак иитинэн ылылынна.

«Самозанятайдар» регионнарга үлэлиир «Мой бизнес» кииннэргэ наадыйар өҥөлөрүнэн туһанар, консультация уонна үөрэҕи ылар кыахтаахтар. Маны сэргэ судаарыстыбаннай микроүп тэрилтэлэрин, итиэннэ регионнааҕы мэктиэлиир тэрилтэлэр үбүнэн өйөбүллэрин эмиэ туһаныахтарын сөп. Дьиэ арендатыгар — коворкинг уонна бизнес-инкубатор эбийиэктэригэр чэпчэтии эмиэ көрүллэр.
Следите за самым важным и интересным в Telegram-канале и WhatsApp-группе ЯСИА