15 От ыйа 15.07
  • 19°
  • $ 87,74
  • 95,76

Дьиикимдэ кулуубун хочуолунайыгар уот тура сырытта

09:32, 17 января
Текст:
Хаартыска: "Ньурба" хаһыат телеграм-ханаала
Читайте нас на
Яндекс Новости
ЯДВ

Ньурба улууһугар олоҕу-дьаһаҕы хааччыйар сулууспа биллэрбитинэн, тохсунньу 16 к. түүн 1 чааска баһаарынай чааска Дьиикимдэҕэ «Дьулуур» култуура киинин хочуолунайыгар баһаар буолбутун туһунан иһитиннэрии киирбитэ.

Көҥүл өттүнэн олохтоох баһаарынай хамаанда уонна Ньурбаттан суһаллык тахсыбыт баһаарынай экипажтар үлэлээн, 1 ч. 43 мүн. баһаары умуруордулар.

Баһаар түмүгэр хочуолунай ис эркинэ уонна үрдэ – барыта 25 кв.м. эмсэҕэлээтэ.
Хочуолунай барыта 9 эбийиэги, ол иһигэр кулуубу, оҕо уһуйаанын, дьаһалтаны, дьаһалта гараһын, ФАП-ы, 2 кыбартыыралаах уопсай дьиэни уонна 3 чааһынай дьиэни сылытан турбута. Дьиэлэргэ 7 улахан киһи баара, оҕо суоҕа. Хочуолунай оһохторо уонна прибордар улаханнык эмсэҕэлээбэтилэр.

Сарсыарда 6 ч. 20 мүн. хочуолунайы оттон, сылааһы биэрии сөргүтүлүннэ. Баһаар төрүөтүн уонна буруйдааҕы быһаарарга үлэ барар. Хата, бу күннэргэ халлаан сылаас турар.

Баһаар содулун туоратыыга СӨ 26 №-дээх судаарыстыбаннай баһаарынай сулууспатын этэрээтэ, улуустааҕы ыксаллаах быһыы-майгы хамыыһыйатын эппиэттээх салайааччылара, «ОДьКХ» ГУП филиала, Ньурбатааҕы Быыһыыр сулууспа этэрээтэ уонна Дьиикимдэ олохтоох дьаһалта үлэлээтилэр.

Геннадий Антонов, @gazetanyurba

Следите за самым важным и интересным в Telegram-канале и WhatsApp-группе ЯСИА