«Дьиэ кэргэн ипотекатын» ылыы судургутуйда. Саҥа усулуобуйанан ипотеканы биир оҕолоох да ыал ылыан сөп буолла. Маныаха ипотеканы 2023 сылга диэри туһаныахха сөп. Бу туһунан СИА Ил Дархан, Бырабыыталыстыба пресс-сулууспатыгар сигэнэн суруйар.
2018 сыл тохсунньу 1 күнүттэн 2022 сыл ахсынньы 31 күнүгэр диэри төрөөбүт оҕолоох дьон ипотекаҕа хапсыахтара.
Кирэдьиит муҥутуур суумата Москубаҕа, Москуба уобалаһыгар, Санкт Петербурга, Ленинградскай уобаласка — 12 мөл солкуобай, атын эрэгийиэннэргэ — 6 мөлүйүөн. Кирэдьиити 6%-ҥа биэрэллэр. Бырагыраама усулуобуйатынан, дьиэ тутар тэрилтэттэн ылыллыахтаах. Бастакы усунуоһу ийэ хапытаалынан төлүөххэ сөп.
Итини таһынан «Дьиэ кэргэн ипотекатын» урукку кирэдьиити 6%-ҥа диэри кыччатарга (рефинансирование) туһаныахха сөп.
