18 Ыам ыйа 18.05
  • -7°
  • $ 104,68
  • 115,6

Дембеллэри "самоизоляция" эрэһиимигэр олордуохтара эбэтэр обсерватордарга киллэриэхтэрэ

Россия армиятыгар сулууспалара бүтэн, дембеллэр Саха сиригэр төннөллөр. Коронавируһу утары охсууһу миэрэлэрин кинилэр эмиэ тутуһаллар. «Самоизоляцияланаллар» эбэтэр обсерватордарга киирэллэр. Дьаһал хайдах ылылларын регион бырабыыталыстыбатын бэрэссэдээтэлин солбуйааччыта Ольга Балабкина кэпсээтэ диэн СИА иһитиннэрэр.


«Өрөспүүбүлүкэ баһылыгар мунньахха дембеллэр ханнык оройуон олохтооҕо буолалларын, төрөппүттэрэ кимнээҕин билэргэ быһаардыбыт. Кинилэр обсервационнай болдьоҕу ааһыахтаахтар: эбэтэр обсерватордарга киирэн, эбэтэр төрөппүттэрэ усулуобуйа тэрийэр буоллахтарына «самоизоляцияланан». Биллэн турар, элбэх ыйытыы киириэҕэ. Бары өйдүүбүт, кинилэр армияҕа эмиэ хааччахха сылдьыбыттарын. Ол гынан баран сыстыганнаах дьаҥ тарҕамматын туһугар бары санитарнай-эпидемиологическай ирдэбиллэри тутуһуохтаахпыт», — диэтэ Ольга Балабкина.

СИА-ҕа Саллааттар ийэлэрин кэмитиэтин бэрэссэдээтэлэ Мария Емельянова иһитиннэрбитинэн, бу саас 1200-тэн тахса дембель Саха сиригэр кэлэрэ күүтүллэр.

Следите за самым важным и интересным в Telegram-канале и WhatsApp-группе ЯСИА
0
0