Анал байыаннай дьайыы кыттыылаахтара уонна кинилэр дьиэ кэргэттэрэ үлэнэн хааччыллыыларыгар өйөбүл миэрэлэрин туһунан Саха сиринээҕи дьарыктаах буолуу киинин салайааччытын бастакы солбуйааччыта Игорь Соловьев эттэ.
Кини кэпсээбитинэн, кииҥҥэ 86 анал байыаннай дьайыы кыттыылааҕа кэлэ сырытта, 33 киһи үлэнэн хааччылынна.
Оттон СВО кыттыылааҕын дьиэ кэргэттэрин 174 чилиэнэ кииҥҥэ үлэ көрдөөн кэлбититтэн, 106-та үлэлэннэ.
Анал уонна эбии үөрэхтэргэ 36 байыаннай сулууспалаах уонна 44 кинилэр аймахтара хабылыннылар.
Киин хас биирдиилэрин кытта тус үлэлиир. Күн бүгүн 300 киһи баар. «Саха сиригэр үлэлиир бөдөҥ хампаанньалар СВО кыттыылаахтарын, кинилэр дьиэ кэргэттэрин чилиэннэрин кэнники кэмҥэ хамаҕатык ылар буоллулар. Бульдозеристар, экскаваторщиктар, сварщиктар, электриктар наадалар», — диэтэ Соловьев.
