21 От ыйа 21.07
  • 22°
  • $ 88,02
  • 96,04

Дьаархаҥҥа үөрэх уонна култуура эйгэтин исписэлиистэригэр анаан дьиэ тутуллар

Читайте нас на
Яндекс Новости
ЯДВ

Ньурба улууһугар иккис сылын субуруччу Үөрэхтээһин сыла салҕанар. Үөрэнээччилэр уонна учууталлар үөрэхтэригэр уонна үлэлэригэр табыгастаах усулуобуйаны тэрийиигэ, үөрэх эйгэтин матырыйаалынай-тэхиниичэскэй базатын тупсарыыга уонна бөҕөргөтүүгэ улахан болҕомто ууруллар.

Ньурба улууһун үөрэхтээһинин эйгэтигэр үлэһиттэри толору хааччыллыылаах дьиэнэн хааччыйыы буолар. Улуус бюджетыттан үбүлэнэн Дьаархаҥҥа дэриэбинэ ортотугар элбэх аналлаах Киин таһыгар уонна Ньурбачааҥҥа 4 кыбартыыралаах толору хааччыллыылаах уопсай дьиэлэр тутулла тураллар. Дьаархан нэһилиэгин баһылыга Павел Александров кэпсииринэн, уопсай дьиэ бэдэрээтчитинэн ИП Егоров буолар. Маалыкайдар тута сылдьаллар. Биригээдэ бастаан холлоҕоһун бүтэрэн барбыт. Дьиэ уопсай иэнэ — 200 м2 кэриҥэ. Биирдии кыбартыыралар иэннэрэ — 34 м2. Билигин иккис биригээдэ кэлэн хара муостатын уонна сарайын оҥоруохтаах. Дьиэни бүтэрэн бу сыл сэтинньи ыйыгар үлэҕэ киллэриэхтээхтэр.

«Бу дьиэ улууска Үөрэх сылын чэрчитинэн тутулла турар, эдэр исписэлиистэргэ ананар, — диир Дьаархан нэһилиэгин баһылыга Павел Михайлович. — Манна үөрэх уонна култуура үлэһиттэрэ киирэн олоруохтара. Улуустан 8 мөл. солк. көрүллүбүтэ, оттон аукцион биллэриллэн уопсай сыанатыттан 1 мөл. кэриҥэ кыччаабыта. Онон 7 мөл. солк. сыаналаах тутуу буолар. Нэһилиэккэ үлэлиир эдэр исписэлиистэрбитигэр табыгастаах усулуобуйа тэриллэрэ үөрүүлээх«.

Ааптар: Геннадий Антонов

Следите за самым важным и интересным в Telegram-канале и WhatsApp-группе ЯСИА