13 От ыйа 13.07
  • 30°
  • $ 87,74
  • 95,76

Дьааҥыга Олоҥхо ыһыаҕын дьүһүйүүтүн ураты тыынын бэлиэтээтилэр

15:33, 28 июня 2016
Читайте нас на
Яндекс Новости
ЯДВ

Ытык Дьааҥыга бүгүн өрөспүүбүлүкэтэҕи суолталаах Олоҥхо ыһыаҕа ураты тыыннаах саҕаланна. Икки күн түспүт күүстээх ардах кэнниттэн күн күлүмүрдүү оонньоото. Саха норуотун өрөгөй бырааһынньыгын арыйыы сиэрэ-туома дьааҥылыы ыытылынна.


Олоҥхо ыһыаҕын режиссера Руслан Тараховскай бэлиэтииринэн, суолталаах тэрээһиҥҥэ уопсайа 700-чэкэ киһи кытынна.
Тэрээһин сүрүн күүһүнэн Дьааҥы олохтоохторо бэйэлэрэ буоллулар. Ырыа-үҥкүү, номохтор, олоҥхо – барыта Дьааҥы матырыйаала киирдэ. Ол да иһин тэрээһин олус дириҥ ис хоһооннонно. Олоҥхо ыһыаҕар кэлбит ыалдьыттар өрөспүүбүлүкэ Ийэ олоҥхоһута Даарыйа Томская-Чайка, өбүгэлэриттэн бэриллибит мурун, хабарҕа, таҥалай ырыаларын, ураты тойуктарын бэйэлэрин кытта илдьэ аҕалбыт норуот ырыаһыттарын — Мария Новгородова, Мария Слепцова-Кустуй айымньыларын иһиттилэр. Дьааҥылыы хамсаныылары көрдүлэр. Онон саха итэҕэлэ хайа сахаларын — дьааҥылыы — хараҕынан көһүннэ. Күүтүллүбүтүн курдук, бу киин улуустарга тэҥнээтэххэ ураты көстүүнэн буолла, — диэн бэлиэтээтэ Руслан Тараховскай.

Киэҥ далааһыннаах Олоҥхо ыһыаҕар Ытык Дьааҥыга дьон-сэргэ үөрэ-көтө көхтөөхтүк кыттар.

Следите за самым важным и интересным в Telegram-канале и WhatsApp-группе ЯСИА