29 Кулун тутар 29.03
  • -11°
  • $ 92,26
  • 99,71

Дьааҥыга бастакытын сылгыһыт күнүн тэрийдилэр

11:01, 14 апреля 2021
Текст:
Читайте нас на
Яндекс Новости
ЯДВ

Ааспыт нэдиэлэҕэ Дьааҥы улууһун Верхоянскай куоратыгар бастакытын сылгыһыт күнэ ыытылынна. Идэлээх бырааһынньыкка улуус 10 нэһилиэгиттэн сылгыһыттар муһуннулар.


Тэрээһиҥҥэ улуус салалтата, тыа хаһаайыстыбатын министиэристибэтин исписэлиистэрэ сырыттылар. Бу күн эдэр сылгылары бастыҥ хаачыстыбаларынан сыымайдааһын, сылгыһыттар күрэхтэрэ, «төгүрүк остуол», сылгы атыыта, атастаһыыта тэрилиннилэр.

Үһүгэр диэри саастаах сылгыларга бастыҥ хаачыстыбаларынан сыымайдааһын түмүгэр бииригэр диэри саастаах сылгыларга Элгэстэн Степан Мигалкин Сура буолла. Иккис миэстэни Баатаҕайтан Маин Яковлев Чыыбыһа, үсүһү – Дулҕалаахтан Василий Стручков Элэмэһэ ыллылар.

Икки саастаах сылгыларга бастакы миэстэни Остуолбатан Юрий Слепцов Араҕаһа, иккиһи Бөтөҥкөстөн «Баачаан» ХЭТ Дьорота, үсүһү – Табалаахтан Валентин Ефимов Мавра ыллылар.

Үс саастаахтарга бастыҥынан Боронуктан Андрей Юмшанов Дохсуна ааттанна. Иккискэ Арыылаахтан Мышастый таҕыста, үһүс миэстэни Сартаҥтан Сергей Слепцов Сиэн Уола ылла.

Кыайыылаахтар 30-туу тыһ харчыны туттулар, иккис миэстэлээхтэр – 20-лии тыһыынчаны, үһүстэр — 10 тыһ. Көрүүгэ барыта 45 эдэр сылгы кыттыбыт.

Сылгыһыттар күрэхтэригэр бастакы миэстэни Арыылаах нэһилиэгин хамаандата ылбыт, иккиһи – Боронуктар. Үсүһү – Табалаах нэһилиэгин сылгыһыттара. Кыайыылаахтар 30, 25 уонна 15 тыһ харчынан наҕараадаламмыттар.

Маны таһынан, Арыылаах хамаандатыгар биллиилээх сылгыһыт, Судаарыстыбаннай бириэмийэ лауреата Михаил Горохов аатынан 10 тыһ. харчынан бириэмийэни итиэннэ «Сахаагроплем» тэрилтэттэн сылгы көлүүрүн туттардылар. Бирииһи Михаил Горохов уола Вадим Горохов туттарда.

Сылгыһыт күнүгэр атынан атастаһыы, сөбүлээбит аттарын атыылаһыы буолбут. Улуус үчүгэй үлэлээх сылгыһыттарыгар министиэристибэ махтал суруктарын туттарда.

Следите за самым важным и интересным в Telegram-канале и WhatsApp-группе ЯСИА