24 Тохсунньу 24.01
  • -48°
  • $ 73,82
  • 83,32

Чычымахха улахан туос ыаҕыйа баар буолла

Таатта улууһун Чычымаҕар Дьаамныыр суолга дьэдьэннээх туос ыаҕайа баар буолла. «Эһиил ситэриллэн, тула өттө сибэккинэн симэниэ«, — диир ааптар Александр Григорьев — Саалтааны.

Чычымахха оскуола лааҕырын аттыгар дьэбин сиэбит урукку цистерна турбута. «Быйаҥ» бааһынай хаһаайыстыба баһылыга, Россия бочуоттаах фермерэ Данил Егорович Афанасьев ону көрөн: «Бу эргэ цистерна уруһуйданара буоллар, Кыыс Амма кэрэ айылҕатыгар сынньана кэлэр дьон үөрүө этэ«, — диэн санаатын тустаах салайааччыларга этэр.

Нэһилиэк баһылыга Степан Соров фермер этиитин өйүүр. Оскуола дириэктэрэ Андрей Миронов толкуйу сэҥээрэр. Онон дьаһал ылаллар.

Ойууһут Александр Григорьев — Саалтааны дьэдьэннээх туос ыаҕыйаны оҥрон таһаарар. «Композиция эһиил силигэ ситэн, сибэкки арааһа клумбаҕа олордуллан, Чычымах олохтоохторун уонна ыалдьыттарын үөрдүө«, — диир кини. Бу туһунан Саалтааны кэргэнэ Туйаара Кучу СИА-ҕа кэпсээтэ.

0
0
24 января 24.01
  • -48°
  • $ 73,82
  • 83,32