24 От ыйа 24.07
  • 28°
  • $ 87,3
  • 95,46

Чычымахха нэһилиэнньэ туруктаах буоларын туһугар мэлиибэн ыытылынна

16:02, 22 июня 2016
Читайте нас на
Яндекс Новости
ЯДВ

Таатта улууһун Амма нэһилиэгэр баар таҥара дьиэтигэр Дьокуускайтан Отец Сергий кэлэн мэлиибэн ыытта. Кинини кытта билиилэрин-көрүүлэрин хаҥатына семинария икки үөрэнээччитэ сырытта.  Бу туһунан нэһилиэк дьаһалтатын испэсэлииһэ Лена Михайлова иһитиннэрдэ.


«Ыалдьыттары Чөркөөхтөөҕү мусуой дириэктэрэ Николай Попов ыҥыран, салайан илдьэ сырытта. Мэлиибэн нэһилиэнньэ туруктаах, дьоно-сэргэтэ чөл, чэгиэн буоларын туһугар ыытылынна. Ол кэннэ ыалдьыттар нэһилиэк олохтоохторун кытта сэһэргэстилэр, ыйытыыларга хоруйдаатылар. Салгыы Владыка Роман ыыппыт түөрт иконостаһын хайдах туруорары сүбэлээтилэр. Бу тэрээһиҥҥэ ветеран педагог Владимир Михайлов сайыҥҥы лааҕырга сынньана сылдьар оҕолору аҕалан сырытыннарбыта туһалаах буолла. Оҕолорго ыраахтан кэлбит ыалдьыттар сиэрдээх буолуу туһунан бэртээхэй бэсиэдэ оҥордулар. Кэнчээри ыччаппыт ону улаханнык сэргээтэ, астынна»,- диэтэ кини.

Лена Егоровна бэлиэтииринэн, бу күн таҥара дьиэтигэр сылдьыбыттар улаханнык сэргэхсийбиттэр. Онтон оҕолор сиэр-майгы туһунан кэпсэтэллэрэ, аҕам саастаахтартан сүбэ-ама ылаллара хаһааҥҥытааҕар да үксээбит.

Следите за самым важным и интересным в Telegram-канале и WhatsApp-группе ЯСИА