22 От ыйа 22.07
  • 23°
  • $ 88,02
  • 96,04

Чурапчылар быйыл окко эрдэ киирдилэр

16:01, 21 июля 2020
Текст:
Читайте нас на
Яндекс Новости
ЯДВ

Чурапчы улууһун отчуттара быйыл окко эрдэ киирдилэр. Бу туһунан СИАҕа Чурапчы улууһун дьаһалтатын пресс-сулууспата иһитиннэрэр.


От ыйын 20 күнүгэр улууска 7,5 тыһ га сир охсулунна, 3,6 тыһ тонна от бэлэмнэннэ. Одьулуун нэһилиэгэ былаанын 19,8%, Болтоҥо — 15,4%, Мугудай – 13,7 % , Төлөй – 12,1%; Сылаҥ – 11,5%, Бахсы – 9,3%, Алаҕар – 8% толордулар.

Улуус баһылыга Андрей Ноговицын оту төһө кыалларынан күнү-дьылы аахсыбакка бэлэмниир наадалааҕын туһунан суһал ыстаап мунньаҕар эттэ. «Атырдьах ыйын саҥата төһө от бэлэмнэммитин, төһө тиийбэтин ааҕынан көрүөхпүт. Эбии мобильнай биригээдэлэри тэрийиэхпит. Бахсы, Алаҕар, Мугудай, Дириҥ нэһилиэктэр былааннаммыт соруктарын ситэллэрин ирдиэхпит», — диэтэ кини.

Мунньах түмүгүнэн Дьокуускай куорат арыыларыгар оттуурга көҥүл ыларга үлэлэһиэххэ дэстилэр, «Чурапчы» СХПК үүт харчытын тэрээһиннээх хаһаайыстыбаларга от, атырдьах ыйынааҕыларын эрдэ толору төлүүрүгэр сүбэлээтилэр, үүт туттарааччыларга чэпчэтиилээх оттугу тиэрдэллэригэр эттилэр.

Улуус тыа хаһаайыстыбатын управлениетыгар оттуур сирдэргэ талаҕы ыраастыыр туспа мобильнай биригээдэни тэрийэригэр соруйдулар.

Следите за самым важным и интересным в Telegram-канале и WhatsApp-группе ЯСИА
Тутаах тыллар