14 От ыйа 14.07
  • 16°
  • $ 87,74
  • 95,76

Чурапчыга устудьуоннар этэрээттэрэ үлэлээтэ

Читайте нас на
Яндекс Новости
ЯДВ
Чурапчы улууһугар устудьуоннар тутар этэрээттэрэ 2013 сыллаахха XIX-c «Манчаары оонньууларын“ көрсө тэриллибитэ. Онтон ылата үгэскэ кубулуйан сыл аайы нэһилиэктэри чэбдигирдэр, ырааһырдар үлэни ыытан кэллилэр. Быйыл өрөспүүбүлүкэҕэ Үлэ сылынан, Чурапчы нэһилиэгэ сурукка-бичиккэ киирбитэ 375 сылынан устудьуоннар эппиэтинэстээх үлэни ыыттылар.

От ыйын 18 күнүттэн саҕалаан ый устата 21 киһилээх «Мохсоҕол» тутар этэрээт Чурапчы нэһилиэгэр хаарбах туруктааҕынан көтүллүбүт дьиэлэртэн хаалбыт бөхтөрү суох оҥорууга ылыстылар. Киин уулуссаҕа ыһыллыбыт бөхтөрү хомуйдулар, ыраастаатылар. Ону тэҥэ Чурапчы нэһилиэгэр баар муосталары, күрүөлэри, кэрэ бэлиэ сирдэри, сквердэри, болуоссаттары сөргүтэн, тупсаҕай көстүүлээх буоларыгар кырааскалаатылар.

Этэрээт байыастара бүтэһик үлэлиир күннэригэр Чурапчы тоҕус томторугар сылдьан, мэҥэ таастаах бэлиэлэри чөлүгэр түһэрдилэр. Ол курдук, олорор сирдэри кырааскалаатылар, бөхтөрү хомуйдулар, саҥа бөх иһиттэрин уурдулар. Нэһилиэк үбүлүөйдээх сылынан устудьуоннары кытта олохтоох ыччаттар Вероника Маркова уонна Марфа Петрова сылдьыстылар. Кинилэр байыастарга хас биирдии томтор устуоруйатын билиһиннэрдилэр.

Бу күн устудьуоннар этэрээттэрин кытта көрсөн кэпсэттим. Устудьуоннар бастакыларын бу маннык тутар этэрээккэ үлэлииллэр эбит. Бары араас үөрэх кыһатыттан сылдьаллар. Нэһилиэк ис-тас көстүүтэ тупсарыгар кылааттарын киллэрсибиттэриттэн астыналлар. Тоҕус томтор устуоруйатыттан элбэҕи билбиттэрин эттилэр.

Ити курдук, эдэр дьон нэһилиэктэрэ өссө тупса, сайда, киэркэйэ турарыгар көхтөөхтүк үлэлииллэриттэн киэн туттабын. Байыастар бэриллибит сорудахтарын ыйыллыбыт бириэмэтигэр хаачыстыбалаахтык оҥорон, түмүктээтилэр. Кинилэргэ үөрэхтэригэр бигэ билиини ылан, уопсастыбаҕа туһалаах үлэһит буолан тахсалларыгар баҕарабыт.

Марфа Петрова, Саҥа олох

Следите за самым важным и интересным в Telegram-канале и WhatsApp-группе ЯСИА