“11735 гектар охсуллан, 8040 от бэлэмнэнэн турар. Ити иһиттэн 7 мобильнай биригээдэ тахсан оттоон, 222 туоннаны бэлэмнээн олорор. Уопсайа 57 биригээдэ бэлэмнэммитэ. Уоннааҕы биригээдэлэр биһиэхэ сайаапкаларын биэрэн баран, маннааҕы сирдэрин бүтэрдэхтэринэ барыахтаахтар. Бүгүҥҥү туругунан 1063 тыраахтар, 840 звено, онтон механизированнайа — 232, полумеҕа — 608, 1887 киһи үлэлии сылдьар. Былырыыҥҥыга тэҥнээтэххэ, арыый да элбэх от охсуллан иһэр, онон тэтим баар. Билигин үрэхтэринэн уонна мобильнайдарынан баран эрэллэр. Үчүгэй көрдөрүүлээҕинэн Кытаанах 38 бырыһыан, Алаҕар 35 бырыһыан, Хатылы, Соловьев нэһилиэктэрин ааттыыбыт. Мобильнай биригээдэлэр Дьокуускай арыытыгар, Чурапчы үрэхтэригэр, Аммаҕа, Тааттаҕа оттуу сылдьаллар”, — диэн Тыа хаһаайыстыбатын салалтатын начаалынньыгын солбуйааччы Прокопий Старостин бэнидиэнньиккэ буолбут улуус баһылыгын планеркатыгар иһитиннэрдэ.
Елена Макаринская
Саҥа олох
