16 От ыйа 16.07
  • 20°
  • $ 87,81
  • 95,78

Чокурдаахха оскуола тутуутугар матырыйаал тириэрдилиннэ

Читайте нас на
Яндекс Новости
ЯДВ

Чокурдаахха Дьокуускайтан цемент уонна сылытар үллүк тиэйиилээх түөрт КамАЗ тиийдэ. Ол туһунан Аллайыаха баһылыга Яков Елисеев эттэ. Тутуу матырыйаала оройуон киинигэр дьэндэйиэхтээх 275 миэстэлээх оскуолаҕа ананар, суруйар Ulus.media.

Чокурдаахха тутуллар оскуола 2023 сылга үлэҕэ киириэхтээх. Ол туһунан бырабыыталыстыба отчуотун кэмигэр бэрэссэдээтэл Андрей Тарасенко иһитиннэрбитэ.

Бэдэрээччигинэн «Сахастрой-2002» хампаанньа үлэлиир. Тэрилтэ билиҥҥи соруга — тутуу матырыйаалын кыһыҥҥы суолунан миэстэтигэр тириэрдии.

Баһылык Яков Елисеев иһитиннэрбитинэн, барыта 60 туонна цемент уонна 20 куб м сылытар үллүк Чокурдаахха аҕалылынна.

Өссө да тутуу матырыйаала тиэйиилээх массыыналар тиийэллэрэ күүтүллэр.

ЯСИА Telegram-ханаала

Следите за самым важным и интересным в Telegram-канале и WhatsApp-группе ЯСИА