20 От ыйа 20.07
  • 17°
  • $ 88,02
  • 96,04

Чокурдаах үөрэнээччилэрэ икки симиэнэнэн үөрэниэхтэрэ

18:04, 27 августа 2020
Текст:
Читайте нас на
Яндекс Новости
ЯДВ

Аллайыаха улууһугар быйылгы үөрэх дьылыгар, барыллаан ааҕыынан, бастакы кылааска 46 оҕо барара былааннанар, 11 кылааһы 42, 940 выпускник бүтэриэ. Үөрэх управлениетын салайааччы Рустам Шагабеев улуус оскуолалара уонна детсадара үөрэх дьыла саҕаланыытыгар бэлэмнэрин этэр. Бу туһунан Ulus.media суруйар.


Үөрэх икки көрүҥүнэн, ол эбэтэр Чокурдаахха икки симиэнэнэн, тыаларга уруккутун курдук тэриллэрин этэр салайааччы.

Билии күнэ бастакы кылааска барааччыларга эрэ буолуо. Бары оскуолаларга Роспотребнадзор ирдэбиллэрин тутуһуохтара: кылаастары кичэйэн сууйуохтара, дезинфекциялыахтара, оскуолаҕа киириигэ температураны кээмэйдиэхтэрэ, илиини антисептигынан ыстарыахтара, ас үлэһиттэрэ мааска кэтиэхтэрэ, кабинеттарга салгыны ыраастыыр тэриллэри туттуохтара.

Төрөппүттэр оскуолаҕа сылдьаллара бобуллуо, оҕолор бэйэ бэйэлэриттэн тэйиччи сылдьаллара ирдэниэ. Балаҕан ыйын 1 күнүттэн улуус оҕо саадтара санитарнай-эпидемиологическай ирдэбиллэри тутуһан үлэлэрин саҕалыахтара.

Следите за самым важным и интересным в Telegram-канале и WhatsApp-группе ЯСИА