15 От ыйа 15.07
  • 18°
  • $ 87,74
  • 95,76

Чээнэлээх Быыбайка Хорулаттан Уолбукка көһөн кэллилэр

Хаартыска: Хотугу кыым
Читайте нас на
Яндекс Новости
ЯДВ

Аҕыйах хонуктааҕыта Ньурба курдук ыраах сиртэн Абый улууһун Уолбут нэһилиэгэр икки саха боруодалаах торбоһу Елизавета Кононова уонна нэһилиэк аҕа баһылыга Эдуард Сергеев аҕаллылар.

Торбостору Ньурба Хорулатыттан Елизавета Евгеньевна кэргэнин дьоно дьиэ кэргэн сылынан бэлэх ууннулар. Бу иннинэ хас да сайын Елизаветалаах Хорулаҕа тиийэн саха ынаҕын иитэллэрин сэргии, сэҥээрэ көрбүттэр. Дьоно оҕолоругар, Абый улууһугар, саха ынаҕын үөскэтиҥ, ииттиҥ диэн бэлэхтээбиттэр.

Лиза саха ынаҕын ииттэр баҕа санаатын нэһилиэк баһылыга өйөөн, тус бэйэтинэн Ньурбаттан баран тиэйэн аҕаллылар. Бу айаннарыгар 10 улууһу уҥуордаан, Дьокуускай куораты ааһан, барыта 3600 км айаннаабыттар. Эдуард Валентинович бу иннинэ, 2017 с. халыҥ хаардаах дьыл кэннэ, улууска 100-тэн тахса сылгыны, түөрт оҕуһу эмиэ бэйэтэ тиэйэн аҕалбыт уопуттаах. Онон массыынатын уларыта охсон, сүөһү тиэйэргэ табыгастаах гына оҥорон, уһун айаҥҥа бэлэмнэммиттэр.

Торбостор Чээнэлээх Быыбайка, хаһаайкалара этэринэн, бэрт холкутук, буолуохтааҕын курдук ылынан, айаннаан кэлбиттэр.

Онон Абыйбыт улууһугар саха боруодалаах сүөһү тэнийэригэр өйөбүл өссө да баар буолуо, сүөһү төрөөн-ууһаан тэнийиэ диэн эрэнэбит уонна үтүө түмүктэри күүтэбит, суруйда Лариса Слепцова, Уолбут, @hotugukyym

Следите за самым важным и интересным в Telegram-канале и WhatsApp-группе ЯСИА