Ил Дархан Айсен Николаев иһитиннэрбитинэн, улахан куораттарга «самоизоляция» эрэһиимэ ыам ыйын 31 күнүгэр диэри салҕанар. Бу нэдиэлэттэн бытовой өҥөнү дьону кытта алтыһыыта суох оҥорор эбийиэктэр үлэлиэхтэрэ, СИА суруйар.
Саха сирин баһылыга эппитинэн, өрөспүүбүлүкэ түөрт зонаҕа арахсар. Суола-ииһэ суох Арктика эргимтэтигэр элбэх киһилээх тэрээһиннэри ыытыыттан ураты, хааччахтыыр миэрэлэр тохтотуллубуттара. Киин, илин уонна арҕаа өттүгэр элбэх дьону түмэр тэрээһиннэри ыытыы, уопсастыбаннай ас тэрилтэлэрин үлэтэ бобуулаах. Улахан куораттарга «самоизоляция» эрэһиимэ ыам ыйын 31 күнүгэр диэри салҕанар. Ити эрээри бу нэдиэлэттэн бытовой өҥөнү дьону кытта алтыһыыта суох оҥорор эбийиэктэр үлэлиэхтэрэ.
«Биһиги региоммутугар промышленнай тэрилтэлэр уонна тутуу эбийиэктэригэр үлэ тохтооботоҕо. Дьону кытта ордук алтыһар дьоҕус бизнес бэрэстэбиитэллэригэр хааччахтаһын киллэриллибитэ. Ол эбэтэр ас-үөл, бытовой өҥөнү оҥорооччулар уонна атыы-эргиэн кииннэрэ», — диэтэ Айсен Николаев.
