20 От ыйа 20.07
  • 22°
  • $ 88,02
  • 96,04

Быйыл Туймаада ыһыаҕа «Дьокуускай – үлэ куората» диэн девизтээх ыытыллыаҕа

Фото: Мария Васильева, ЯСИА
Читайте нас на
Яндекс Новости
ЯДВ

2023 сыллааҕы Туймаада ыһыаҕа, үгэс быһыытынан, бэс ыйын бүтэһик өрөбүллэригэр ыытыллыаҕа. Быйылгы национальнай бырааһынньык «Дьокуускай — үлэ куората» диэн туһаайыынан барыаҕа. Маны сэргэ Россияҕа педагог уонна настаабынньык, Саха сиригэр Үлэ, сахалыы халандаарынан Дьөһөгөй Айыы сылларыгар ананыаҕа.

Мэр Евгений Григорьев тэрийэр кэмитиэт мунньаҕын ыытта. Пресс-сулууспата иһитиннэрбитинэн, улуустар киэргэтиллибит түһүлгэлэрин куонкурса буолуоҕа, бу саҥа көрүҥ. Оройуоттар айар кэлэктииптэригэр туспа былаһаакка бэриллиэҕэ. Сиэри-туому ыытыыга норуокка биллэр үлэһит дьону, учууталлары уонна настаабынньыктары ыҥырыахтара.

«Дыгын оонньууларын» бастакы сүүмэрдиир күрэхтэһиилэрэ муус устар 4-5 күнүгэр ыытыллыаҕа. 30 спортсмен суруйтарда. Иккис түһүмэх муус устар 25-26 күннэригэр былааннанна.

Сиэр-туом ыытар миэстэ өрөмүөннэниэҕэ, онно күүстээх болҕомто ууруллуоҕа.

Бөх быраҕар баахтар, туалеттар ахсааннара эбиллиэҕэ. Эбии видеокамералар дьон куттала суох олоҕун хааччыйыыга туруоруллуохтара. Техника тохтуур сирдэрэ уонна киириилэрэ-тахсыылара быһаарылынна. Шаттллар тохтобуллара былырыыҥҥынан хаалыахтара. ПДД-ны уонна ыһыах кэмигэр туруоруллубут ирдэбиллэри кэспит техника ыстырааптыыр тохтобулга тута илдьиллиэҕэ. Онно анаан 10 эвакуатор үлэлиэҕэ.

Следите за самым важным и интересным в Telegram-канале и WhatsApp-группе ЯСИА