21 От ыйа 21.07
  • 22°
  • $ 88,02
  • 96,04

Быйыл Саха сиригэр 500-тэн тахса оҕо сайыҥҥы лааҕыра үлэлиэҕэ

Фото архив ЯСИА
Читайте нас на
Яндекс Новости
ЯДВ

Быйыл сайын өрөспүүбүлүкэҕэ эмиэ былырыыҥҥы курдук 521 лааҕыр үлэлиэҕэ(2022 с.  – 521), олортон 426 — күнүскү, 38 куорат таһынааҕы стационарнай, 39 үлэ уонна сынньалаҥ, 18 балааккалаах лааҕыр. Бары санитарнай- эпидемиологическай ирдэбиллэри тутуһан үлэлиэхтэрэ, диэн СИА-ҕа Саха сирин Үөрэх министиэристибэтин пресс- сулууспата иһитиннэрдэ.

Быйылгы сайыҥҥы сынньалаҥ кэмигэр ураты болҕомтону байыаннай дьаһалга (СВО) сылдьар дьон оҕолоругар ууруохтара, босхо путевкаларынан хааччыйыахтара. Барыта холбоон өрөспүүбүлүкэ лааҕырдарыгар 43 580 оҕо сынньаныаҕа, бу былрыыҥҥыттан 927 оҕонон элбэх.

«2023 сылга өрөспүүбүлүкэ тас өттүгэр, ол эбэтэр Краснодарскай уонна Приморскай кыраайдарга сынньата уонна чэбдигирдэ 849 оҕону (2022 – 976 оҕо этэ) путевка сыанатын толору, айан сыанатын аҥарын уйунан туран ыытары былаанныыбыт. Олортон 283 оҕо (2022 -332 оҕо этэ) «Арктика оҕолоро» диэн бырайыак чэрчитинэнэн Арктика оройуоннарыттан Краснодарскай кыраай лааҕырдарыгар барыахтара«, — пресс сулууспаҕа чопчулаатылар.

Кулун тутар 23 күннээҕи туругунан 102 оҕо «Океан» лааҕырга сынньана барда. Маны таһынан, «Океаҥҥа» эбии 239, «Орленокка» -40, «Сменаҕа» -45, «Артекка» — 160 оҕо сынньана барарын туһунан сөбүлэһии дуогабара баттанна.

Следите за самым важным и интересным в Telegram-канале и WhatsApp-группе ЯСИА
Тутаах тыллар