18 От ыйа 18.07
  • 18°
  • $ 88,09
  • 96,3

Быйыл Өлүөхүмэ улууһугар буолуохтаах Олоҥхо ыһыаҕа 2021 сылга көстө

15:03, 11 июня 2020
Текст:
Читайте нас на
Яндекс Новости
ЯДВ

Саха сирин салалтатын быһаарыытынан, Өлүөхүмэ улууһугар бэс ыйын 19 — 21 күннэригэр буолуохтаах өрөспүүбүлүкэтээҕи Олоҥхо ыһыаҕа эһиил көстө. СИА-ҕа бырабыыталыстыба бэрэссэдээтэлин солбуйааччы э.т. Сергей Местников эттэ.


«Бүгүн Ил Дархан дьаһала таҕыста, Олоҥхо ыһыаҕа эһиилги дьылга көстө. Буолар сирэ уларыйбат — Өлүөхүмэ улууһа. Быһаарыы олохтоохтор интэриэстэрин уонна дьон доруобуйатыгар кутталы үөскэппэт буолууну учуоттаата. Билигин да коронавирус инфекцията тарҕаныытын сэрэҕэ өрөспүүбүлүкэҕэ баар», — диэтэ Сергей Местников.

Вице-премьер э.т. бэлиэтээбитинэн, Өлүөхүмэ улууһун олохтоохторо бүтэһиккэ диэри национальнай бырааһынньыгы ыытар, тэрээһин чэрчитинэн өрөспүүбүлүкэ араас эйгэҕэ кыаҕын-күүһүн көрдөрөр баҕалаахтара. «Ити эрээри коронавирус тарҕаныа диэн сэрэхэдийэллэрэ. Араас варианы көрдүбүт. Онлайн эрэһиимҥэ ыытыы туһунан эмиэ дьүүллэстибит. Ити эрээри ыһыах маннык киэпкэ ыытылыннаҕына ис суолтата сүтэр кутталлаах. Ол иһин бэлэмнэнии үлэтин тохтотон, эһиил көһөрөргө быһаарыы ылылынна», — эбэн эттэ Сергей Местников.

Онон Өлүөхүмэ улууһугар буолуохтаах өрөспүүбүлүкэтээҕи Олоҥхо ыһыаҕа эһиил — 2021 сылга — көстө.

Следите за самым важным и интересным в Telegram-канале и WhatsApp-группе ЯСИА