21 От ыйа 21.07
  • 22°
  • $ 88,02
  • 96,04

Быйыл Дьокуускай куорат пиэрмэрдэригэр аан бастакытын «Агростартап» ыытыллыаҕа

фото: Полина Николаева
Читайте нас на
Яндекс Новости
ЯДВ

Быйыл киин куорат уокуругун пиэрмэрдэригэр аан бастакытын «Агростартап» куонкурсун тэрийэргэ 30 мөл. солкуобай көрүлүннэ диэн, СИА-ҕа Дьокуускай куорат тыа хаһаайыстыбатын салалтата биллэрдэ.

«Федеральнай бырагыраама ирдэбилинэн, 100 тыһ. элбэх нэһилиэнньэлээх куоракка  «Агростартап» грант көрүллүбэт. Ол иһин биһиги пиэрмэрдэрбит бу куонкуруска кыттар быраабы ылаары хас да сылы быһа туруорустулар. Быйыл тыа хаһаайыстыбатын министиэристибэтэ утары баран, бу бырайыагы олоххо киллэрэргэ Дьокуускай куорат уокуругар 30 мөл. солкуобай үбү көрдө. Бу үп бырагыраамаҕа киирдэ эрээри, куонкурус критерийдэрин, барылын бэс ыйыттан саҕалаан оҥоруохпут, күһүөрү балаһыанньаны таһааран бу сылга дьон көрүллүбүт үбүнэн туһаныаҕа. Биллэн турар, «Агростартап» грант критерийдэригэр майгынныыр буолара буолуо, баҕар туох эмэ уларыйыы буолуон сөп, чопчу Дьокуускай уокурук олохтоохторугар сөп түбэһиннэрэн «,  — диэн «Дьокуускай куорат» уокуругун тыа хаһаайыстыбатын управлениетын салайааччытын солбуйааччы Лидия Петровна Мухоплева чопчулаата.

Ыам ыйын 18 күннээҕи туругунан «Дьокуускай куорат» уокуругар 3646 ынах сүөһү баар, онтон 1566 ыанар ынах, 662- саҥа төрүөх, 3829 сылгы, 143- саҥа төрүөх.

Санатан эттэххэ, регион тыа хаһаайыстыбатын министиэристибэтэ биллэрбитинэн, «Агростартап» граны ылыыга бэрээдэк уларыйда, критерийдэр эбилиннилэр.

Следите за самым важным и интересным в Telegram-канале и WhatsApp-группе ЯСИА