Бүгүн Ил Дархан Айсен Николаев быһыы ылбыт 65 саастарын ааспыт итиэннэ дьарҕа ыарыылаах дьон хааччахтааһынтан тахсалларын туһунан ыйаах таһаарда.
Быһыы ылбыт саастаах уонна дьарҕа ыарыылаах дьон бэйэни хааччахтааһынтан ону тэҥэ үлэлэригэр — быһыы ылбыттара 42-с хонугар тахсыахтарын сөп.
Саҥа быраабыла коронавирустаабыт дьоҥҥо эмиэ сыһыаннаах. Коронавируһунан ыалдьыбыт аҕа саастаах дьоҥҥо хааччахтааһын быстах кэмҥэ уһуллар — үтүөрүөхтэриттэн алта ый устата. Ити болдьох кэннэ кинилэр үлэҕэ тахсаары, өрөспүүбүлүкэ иһигэр көҥүл сылдьаары быһыы ылаллар.
Ыалдьан бүппүттэр итиэннэ ыалдьа иликтэр мааска кэтэллэрэ булгуччулаах.
Итини таһынан Ил Дархан ыйааҕынан санитарнай-эпидемиологическай ирдэбиллэри тутуһан оҕо оонньуур кииннэрэ, аһаҕас хаҥкылыыр сирдэр, муус, хайыһар пааркалара аһыллаллара көҥүллэннэ.
