25 От ыйа 25.07
  • 24°
  • $ 86,55
  • 94,38

Бултаммыт бөрө тириитин чинчийии кэннэ туһаҕа ыыталлар

15:02, 15 февраля 2021
Текст:
Читайте нас на
Яндекс Новости
ЯДВ

Сыл саҕаланыаҕыттан Саха сирин үрдүнэн ветеринардар 13 бөрө тириитин кутталлаах сыстыганнаах ыарыыларга чинчийдилэр. Бу туһунан ветеринария Департамена иһитиннэрэр.


Бөрө мэнээктээһинэ тыа хаһаайыстыбатыгар улахан хоромньуну таһаарар. Бүлүү улууһугар, ордук 1 Күүлэт, Үгүлээт, Тылгыны, Хаҕын, Илбэҥэ, Бороҕон, Тыымпы нэһилиэктэригэр бөрө сылгы үөрүгэр түһүүтэ элбээбитэ бэлиэтэнэр.

Былырыын улууска 28 бөрө бултаммыт. Көҥүллээх булчуттар бултарын тириитин ветеринардарга туттаран, кыыллар кутталлаах сыстыганнаах ыарыылаахтарын быһаартараллар.

Былырыын өрөспүүбүлүкэ үрдүнэн барыта 129 тирии бэрэбиэркэлэммититтэн 28-һа бөрө киэнэ эбит. Быйыл номнуо 13 тирии чинчийиини ааспыт. Дьиикэй кыылларга ыарыы баара бэлиэтэммэтэх.

Бэрэбиэркэни ааспыт тириилэри «Меркурий» систиэмэтигэр бэлиэтииллэр, салгыы туһаҕа ыыталлар.

Следите за самым важным и интересным в Telegram-канале и WhatsApp-группе ЯСИА