18 От ыйа 18.07
  • 18°
  • $ 88,09
  • 96,3

Булгуччулаах электроннай ветеринарнай сертификацияҕа көһөрбүт 3 ый хаалла

09:51, 30 марта 2018
Текст:
Читайте нас на
Яндекс Новости
ЯДВ

Российскай Федерация «О ветеринарии» диэн сокуонун 4 ыстатыйатыгар уларыйыы киирбитинэн сибээстээн, булгуччулаах электроннай ветеринарнай сертификацияҕа көһүү 2018 сыл от ыйын 1 күнүгэр дылы уһаан турар, ол эбэтэр 3 ый хаалла. Ыйыллыбыт күҥҥэ диэри докумуоннар кумааҕыга уонна электроннай варианынан оҥоһуллуохтарын сөп.


2018 сыл от ыйын 1 күнүттэн ветеринарнай сертификация оҥоһуллуохтаах бородууксуйа испиэһэгэ кэҥээбитигэр болҕомтоҕутун ууруҥ. Электроннай сертификация тыыннаах кыыллар уонна кыыл бородууксуйата эргиэнин бары этабыгар оҥоһуллуохтаах (оҥорон таһаарыыга, көһөрөргө, быраап бас билиитэ көһөрүгэр), ол иһигэр киирэр: бэлэм үүт бородууксуйата, бэлэм уонна кэнсиэрбэлэммит эт бородууксуйата, балык, балыктан оҥоһуллубут бородуукталар. Барыта анал докумуоннарынан арыалланыахтаах, хонтуруолланар табаардар толору испиэҺэктэрин, 2015 сыл ахсынньы 18 кунугэр 648 нүөмэрдээх бирикээҺинэн Россия Тыатын хаһаайыстыбатын министиэристибэтэ бигэргэппитэ.

Өскөтүн эҺиги тыа хаһаайыстыбатын бородууксуйатын эргиэнигэр сыһыаннаах буоллаххытына (ити иҺигэр киирэллэр сырьеннан хааччыйааччылар, үүт туттарааччылар, ас оҥорор уонна оҥорон таһаарар тэрилтэлэр, атыы-эргиэн уонна дьону аҺатар тэрилтэлэр; оскуола, уҺуйаан, оҕо дьиэлэрин, кырдьаҕастар дьиэлэрин, гостиницалар, санаторийдар, сынньанар кииннэр уо.д.а. тэрилтэлэр остолобуойдара; ону таһынан тыыннаах кыыллары уонна көтөрдөрү иитэр, үөскэтэр, көһөрөр дьон уонна тэрилтэлэр), эҺиги «Меркурий» системаҕа киирэргэ логин уонна пароль эрдэтинэ ылыахтааххыт. 2018 сыл от ыйын 1 күнүттэн ыла ветеринарнай кэтээн көрүү хонтуруоллуур бородууксуйатын оҥорор, эргитэр дьон уонна тэрилтэлэр ветеринарнай сокуон ирдэбилин кэстэхтэринэ, административнай эппиэтинэскэ тардыллыахтарын сөп.

Боппуруостаргытын ветеринарнай сулууспаҕа (тэрилтэҕит үлэлиир сиринэн), Россельхознадзор Саха Сиринээҕи салаатыгар (Дьокуускай куорат, Ленин проспега, 3/1, төл. 42-04-15), Саха Сирин Ветеринарияҕа Департаменыгар (Дьокуускай куорат, Курашова уулусса, 30/1, төл. 42-01-74) биэриэххитин сөп.

Россельхознадзор сайтыгар www.vetrf.ru, Россельхознадзор Саха Сиринээҕи салаатын сайтыгар www.rsn.ykt.ru киирэн информацияны көрүөххүтүн сөп.

Следите за самым важным и интересным в Telegram-канале и WhatsApp-группе ЯСИА