19 От ыйа 19.07
  • 21°
  • $ 87,88
  • 96,1

Боруулаах оҕо сайыҥҥы лааҕырын үөрэнээччилэрэ окко көмөлөһөллөр

15:01, 23 июля 2021
Текст:
Читайте нас на
Яндекс Новости
ЯДВ

Дьааҥы улууһун Боруулаахтааҕы Көдөй оҕо сайыҥҥы лааҕырыгар 19 оҕо сылдьар. Боруулаах орто оскуолатын физкультураҕа учуутала Илья Николаевич Попов дьаһалынан мас, уу куруук бэлэм, от үлэтэ да хотуулаах. Баһаатайдар Анита Юмшанова, Марина Горохова үлэ кэнниттэн оҕо билиигэ-көрүүгэ, тус бэйэтин сайыннарарыгар араас тэрээhиннэри ыыталлар, онон сайыҥҥы от үлэтин кытта сынньалаҥы сөптөөхтүк аттарыллар.


Көдөй лааҕыра аан бастаан 1961 сыллаахха үлэҕэ үөрэтии, салгыы 1975 сылтан сайыҥҥы үлэ лааҕыра (ЛТО) диэн ааттаммыт. Онон араас көлүөнэ дьон оҕо саастарын сайыҥҥы уйата буолбут Көдөй лааҕыр туhунан дьон үтүө тылларынан ахтар. Саҥа кэм үүнэн эрэр көлүөнэтэ лааҕыр ааспыт устуоруйатын билэр уонна ол салҕыытын кыттыылаахтара буолалларынан киэн тутталлар.

Билигин Көдөй киэҥ ходуhатыгар хойуу от охсуллан, харбанан, сарсын кээhиигэ киириэхтээхтэр.

Лааҕыр тутаах дьоно, наставник Юрий Прокопьевич Слепцов уонна кини көмөлөөччүтэ устудьуон Толя Старостин лааҕыр олоҕор бары усулуобуйаны тэрийэллэр, хоту сир кылгас сайынын баттаhа күргүөмнээх от үлэтин иилииллэр. Оҕолору от омурҕаныгар, лааҕыр баасатыгар куруук тотоойу астаах лааҕыр асчыта Галина Васильевна Горохова ийэлии үөрэ көрсөр.

Кыраабылы аан бастаан туппут эдэр отчуттар 7 кылаас үөрэнээччитэ Валера Горохов уонна 8 кылаас үөрэнээччитэ Дарина Юмшанова лааҕырга элбэх доҕоттордоннулар, оттуурга да үөрэннилэр, оттооhун тыа хаhаайыстыбатыгар улахан тирэх буоларын билэллэрин туhунан «кылгас сайыҥҥа төhөннөн элбэҕи оттуугун да, хороҕор муостаахтарбыт кыстыгы этэҥҥэ туоруохтара» дэhэллэр.

Следите за самым важным и интересным в Telegram-канале и WhatsApp-группе ЯСИА