28 Кулун тутар 28.03
  • -12°
  • $ 92,59
  • 100,27

Боруулаах кыргыттара таҥаһынан куукула тигиэх буоллулар

Читайте нас на
Яндекс Новости
ЯДВ

Дьааҥы оройуонунааҕы оҕо бибилэтиэкэтин иһинэн быйылгыттан үлэтин саҕалаабыт куукула тыйаатыра Борулаахха ыалдьыттаата. Олохтоох бибилитиэкэр Алена Петровна Стручкова кэллиэгэлэрин кытта үлэ хаамыытынан сэһэргэстилэр. Хаһыс да сылын ыытыллар «Библиоэстафета — 2019» Арассыыйаҕа тыйаатыр уонна Кыайыы 75 сылыгар ананна.


Баатаҕайтан тиийбит бибилитиэкэрдэр буойун суруйаччы Тимофей Егорович Сметанин төрөөбүтэ 100 сааһынан «Күөрэгэй» остуоруйатын туруордулар. Боруулаахтар ыалдьыттар куукулалары оруолларынан хамнатан, саҥардан оонньоттоллорун дуоһуйа көрдүлэр. Оскуол 7–тис уонна алын кылаас үөрэнээччилэрэ, кырачаанар, иитээччилэр, учууталлар артыыстарга махтанан өргө диэри ытыс тыаһынан доҕуһуоллаатылар.

Кыраайы үөрэтэр салаа бибилитиэкэрэ Анастасия Константиновна Горохова Баатаҕайдааҕы кулууп иһинэн тэриллэ сылдьыбыт дыраам-кэлэктиип бастыҥ артыыската: «Оҕолор мультиктары тэлэбиисэргэ көрөрдөөҕөр куукула тыйаатырын ордорбуттарын эттилэр. Тэҥҥэ алтыһа олороллоруттан астыммыттарын туһунан кэпсээтилэр. Тыыннаах алтыһыы оруола улаханын чахчы сэргээтилэр», — диир.

Методист Марта Олеговна Горохова, ИПЦ отделын библиотекэрэ Кэрэчээнэ Георгиевна Петрова уонна оҕо бибилэтиэкэтин сэбиэдисэйэ Ирина Михайловна Кушнарева куукула тыйаатыра инникитин норуоттар остуоруйаларынан испэктээх туруорар санаалаахтарын сырдаттылар.

«Кэтээн көрүүнэн – таайбараҥнарга кыттыы олус көхтөөхтүк ааста, оҕолор билэллэрэ, билиигэ-көрүүгэ тардыһыылара улахан эбит», — диэн бибилитиэкэрдэр бэлиэтииллэр.

Боруулаахтааҕы «Байды» норуодунай тыйаатыр туруорууларын көрө үөрэммит үүнэр көлүөнэ илиинэн тигиллибит куукулалары тутан-хабан көрдүлэр. Кыргыттар куукула тиктэр баҕа күөрэйбитин сибигинэстилэр.

Ааптар: Раиса ЧИРИКОВА, Дьааҥы улууһа

Следите за самым важным и интересным в Telegram-канале и WhatsApp-группе ЯСИА