Аан дойду вице-чемпиона Василий Егоров, Россия хамаандатыгар киирсэн, Кисловодскайга бэлэмнэнии хомуурун түмүктээтэ. Сүрүн күрэхтэһии стардыгар диэри ыйтан кыра кэм хаалла. Токиоҕа ыытыллыахтаах Олимпийскай оонньууларга сүүмэрдэммит хамаанданы быһаарар боксаҕа Россия чемпионата Оренбурга буолар, СИА суруйар.
Сэтинньи 27 — ахсынньы 6 күннэригэр Оренбург куоракка боксаҕа эр дьоҥҥо Россия чемпионата буолар. Спорт бу көрүҥэр Саха сирин хамаандатын хапытаана Василий Егоров Кисловодскайга бэлэмнэниини ааста. СИА-ҕа өрөспүүбүлүкэ боксаҕа Федерацията кэпсээбитинэн, дойду үс төгүллээх чемпиона салгыы Краснодарга айаннаата, онтон быһа чемпионакка барар.
Санаттахха, Уһук Илиҥҥи чемпионат түмүгүнэн Россияҕа путевканы Михаил Варламов уонна «Спартак» уопсастыба күрэхтэһиититтэн Талбан Егоров ылбыттара.
